Cafe Causette

营业中

休息中

三号风球，预支风假，感觉最爽!去文华食三层下午茶庆祝一下呢种久违既初恋般若即若离既心情!🍖先由松饼开始，先选择了传统而不是提子，因为急于试食玫瑰果酱以及牛油忌廉，味道清新不太甜，松饼松化不黏口，呷一口咖啡，就没有腻的感觉，我拣岩左一个好嘅开始。🍖之后选择用梅花间竹嘅方法，一咸一甜咁食。咸点有火腿芝士芥末三文治，鸡蛋青瓜西洋菜三文治，烧牛肉辣根菜丝沙律三文治，以及三文鱼忌廉芝士火箭菜墨西哥卷。每样都系传统做法又加入少少特别材料。配搭得宜。甜点主要喺蛋糕，有朱古力黑莓酱蛋糕，椰子芒果菠萝蛋糕，金桔白朱古力泡芙，呢几样都做到酸甜适中，几款都不约而同有清新既果酱喺入边。所以冇死甜嘅情况。另外两种，士多啤梨云呢拿吉士挞同埋热情果云呢拿牛油酥皮蛋糕，主要就系因为太饱冇食，但系打包返屋企仲系保存得完整无缺。饼司既手艺应记一功。✨️特别嘅地方系佢哋有两个安德鲁葡挞，口味同澳门嘅真系好相似。为我自制嘅风假，增添多一份真实感。