西環碼頭 (已結業)

近排食西餐食得多，有少少厌，同朋友商量下之后，决定食久违既海鲜！就试下呢间人地话几好食既「西环码头」！佢系边？咪就系系西环啰！哈哈，系海旁，环境真系唔错，有室外，亦有室内。餐牌有两款，有套餐既，亦有小菜单点既。几个懒人唔想谂，就问下侍应有咩好推介！佢好耐心咁介绍左几种唔同既野食，有海鲜塔，羊腩煲，鸡煲...可惜小妹唔食得羊，所以最后就叫左鸡煲啦！ 当鸡煲黎到既时候，一大阵香味传出黎，侍应都几细心叫我地小心个煲热，同埋周不时都帮我地睇下啲鸡够热未！啲鸡好滑，而且因为系细件上，所以好入味，份量都唔少！一开头食果阵唔算太辣，但慢慢煲耐左，入面既汁蒸发多左既时候，开始愈黎愈辣！所以如果唔食得辣既人，就要早少少加汤啦！ 食完啲鸡，就紧系到海鲜啦！！啲虾好新鲜，岩岩送到黎果阵，啲脚仲有少少郁紧，摆落汤一阵，就拎起食得！虾肉真系几鲜甜，爽口，最紧要冇雪味，唔系平时系其他铺头食又霉又冇味既雪藏虾。 到个元贝啦！其实可以拣圣子王，不过我中意食元贝多啲，哈哈！元贝几大只，放左入汤之后都唔会缩水缩得好劲。食既时候带少少汤底既辣味，但又唔会盖过啲本身元贝既甜味，真系唔错！而且咬落去好易散开，好滋味！ 呢度既服