影片
港铁坚尼地城站 C 出口, 步行约6分钟
继续阅读
开饭介绍
海鮮店「西環碼頭」的老闆看中餐廳附近舒適和充滿度假感覺的環境，決意做海鮮小菜館。餐廳雖然靠近海岸，但附近水域海鮮供應量及質素始終有限，店方就由其他地方如香港仔等地入貨，最新鮮海產就於每日黃昏開店前送到，再放入門前的魚缸中保鮮。
继续阅读
营业时间
星期一至日：18:00pm-04:00
以上资料只供参考，请与餐厅确认详情
這晚係一個紀念日, 一年之中幾個紀念日之中的其中一個, 本已選好這間在堅城海邊嘅中式海鮮菜館, 咁啱友人打電話來相約飯聚, 咁咪一起食吧! 友人B話這冶似乎有些名氣, 不過大家都無來過就襯這晚試一試虛實?是晚菜式如下: 冰鎮芥蘭$68 老實講呢個都已經係一個比較舊嘅涼菜, 尺碼很的骰, 無論係每條芥蘭被改成的長度,粗度都非常精緻, 配上差不多每碟餸都付送的沙拉菜裝飾物, 賣相是可以的, 芥蘭口感做到爽口,有菜甜味但又不是過硬, 只係價位就真的進取咗D!酥炸豆腐粒粒$68 同樣個菜做得標準但就貴咗D囉,不過呢碟野跟兩圈炸紫洋蔥,反而呢個紫洋蔥圈嘅新鮮蔬菜甜味就真的令人刨目相看, 很想自己在家炸番次呢個紫洋蔥圈!綠茶柚子班塊要二百幾, 好難得的店方咁大方塊塊班塊都切得好大件加埋一個簿粉炸漿, 炸成一層淺金黃色簿如蟬翼嘅外衣, 一睇就知高手出招, 好多時有某些食客會認為天婦羅漿做出來的炸衣数一数二但我覺得這裡的炸衣完全可以同任何菜式的炸衣比較高下, 石班塊質素亦相當之高, 食落有魚嘅鮮味, 即係店方用上鮮魚起柳, 不過個蘸汁就強差人意啦, 柚子醬上灑些少綠茶粉, 有色無味, 所以唔用綠茶重簡單直接, 椒鹽鮮魷, 同樣係炸物呢個相對失色, 原材料的問題, 太座嫌魷片太簿無咬口,的而且確係比較上簿嘅, 相對呢個炸衣就厚身咗, 但將炸魷同沙拉菜一併夾住食又幾好食, 只係如果有MAYO就更正!酥炸咸豬手 再來的呢味都係炸野, 呢晚都真的試咗幾多炸野, 俾百多銀但同樣份量偏少似被人扣起半隻, 如果話呢度係一隻的話,咁呢隻豬腳可能500gm都未必有, 還好皮真的是脆口的, 肉也剛剛好的甘香, 冰鎮飽魚係預先浸醃嘅九孔飽, 88蚊一隻只會試一次, 同時一次過出四隻飽魚應盡量揀同SIZE嘅飽魚拿出來!滑蛋蒸花甲, 全晚另一個令各人刨目相看的一道菜式, 蛋蒸得剛剛熟,少一分鐘都可能還有少許未熟, 花甲明知係另外預先做好的但還是可以保持質地鮮嫩, 值得一讚服務員態度OK但有點欠缺集中力,
继续阅读
今日外甥仔但Lunch時家人就埋一齊 揀左呢間海鮮店 第一次幫陣 可能已經2點啦 入到去無人 得一枱已經準備離開嘅客人六個人 大家討論食乜 有部pad menu揀餸又幾in喎揀左椒鹽鮮尤 d脆漿跟平時唔同 似fish & chip個種 ok 豆腐粒同洋蔥圈 反而我好鐘意呢個送 外脆內嫩 一口食得晒 仲多左兩片洋蔥圈添芝麻雞 估唔到呢雞反而拍住太湖得獎名菜 芝麻雞皮香脆肉又夠滑唔嚡 蔬菜汁咕嚕肉 一般 不過脆漿跟鮮尤一樣 脆皮但我較like 古法整蒜蓉粉絲蒸扇貝 唔夠鮮甜 茄子乾燒大虾球 賣相麻麻 d虾也麻麻 唔夠fresh 豉汁炒聖子 還可以有鑊氣既還有炒面同炒米粉又幾好味 熱辣辣即叫即炒 有水準 米粉有thai風味埋單6 人$1800 有找
继续阅读
1774 浏览
回到老公的老家西環食飯，一早已經在「西環碼頭」 訂了枱。餐廳正正在西環海旁, 只是一條馬路之隔。這裡180度的海景實在令人陶醉。「西環碼頭」 是家海鮮酒家，因此門口放有魚缸飼養游水海鮮去吸引客人。不過魚缸不太大而且種類不太多，難以跟西頁及鯉魚門作比較。門口有些露天位置，風景雖然極佳，但是炎炎夏天下，還是坐於室內比較舒適。但是餐廳半開放式，就算室內有冷氣，外面的熱風吹入，冷氣不足夠令我們一路流汗一路食飯，認真不太好受。先來過《冬瓜盅 $168》 消消暑。這個冬瓜盅份量足夠我們五位享用，每人分到兩丶三碗仔。冬瓜的花形賣相整齊，用料多有帶子丶蝦丶絲瓜丶蟹柳...等，好似海皇冬瓜盅。不過筆者認為中式湯水加入蟹柳有些格格下入。冬瓜盅味道清甜，沒有加入味精調味。對辨的消暑解渴的湯水。來到海鮮菜館當然點一兩款試一下。《蛋白蒸瀨尿蝦 $626（兩只）》瀨尿蝦雖然大隻，但平均三百元一只真的絶不便宜，比西貢還要貴。平時通常用椒鹽煮法，今晚清淡一點轉用蛋白蒸。蝦肉結實又彈牙，蝦又鮮甜，用蒸的方法更加能保留瀨尿蝦的鮮甜而且淡淡的蝦味。用蛋白蒸烹煮時間的掌控非常重要，這個菜式對辨。蛋白薄身但表面滑溜，蛋白不用任何調味單單吸收了瀨尿蝦的精華已經美味無窮。《蒸粉絲扇貝 ＄247 （五只）》扇貝大隻，但煮法非常簡易，平均＄50／只值得與否真是見人見智。《椒鹽九肚魚 $118》九肚魚的表面炸得金黃，炸皮夠薄，咬下去軟腍。調味合宜，不錯的送酒小食。《芝麻脆皮雞 $188(半只)》餐廳推介美食之一。這道菜的精髓必定是灑滿芝麻粒的雞皮。雞皮果然脆囗乾身，表面的芝麻粒經過油炸後香味更加濃烈。雞雖然不是新鮮雞，但肉質尚且嫩滑無渣，加上烹煮時間控制合宜，雞肉保留少許的肉計，口感不錯。《話梅乳鴿 $128》乳鴿用滷水浸泡，加入原粒話梅。乳鴿大小適中，滷水味不太濃郁理應不會蓋去話梅的味道，咬下去確實有話梅的清香，可是話梅及滷水味道不太配合，味道只屬一般。
继续阅读
周末约饭唔想走远，朋友推荐可以吃西环码头。去到后，侍者大叔非常热情，点菜期间还给我们推荐了粉葛猪手汤。汤正常水平，如果点的菜不是很抵食，来一份还是可以。海鲜很新鲜，做得味道感觉比西贡更精致些。我们点的豉汁蛏子和砵酒焗蚝味道都很不错。超出预期。金沙豆腐上的金沙不是鹹蛋黄有点失望。最后加的南乳粗斋煲还有些惊喜。以后想吃海鲜的时候还会去。
继续阅读
我是堅尼地城的街坊，我和男朋友放工都夜，習慣夜食，屋企附近選擇不多，幸好有海鮮菜館西環碼頭，開得夠夜，食物質素高，師傅煮海鮮真有一手，我們基本當它成飯堂，一星期三幾晚走唔甩，雖然晩晚光顧價錢就偏高一點，但物有所值，而且最重要係一班親切窩心的服務員 － Ling姐丶阿靜，還有長毛哥哥仔，個個都好好人，服務態度一流，又有如朋友一般親切，之所以一去就兩年多，外出吃飯，食物質素固然重要，但進餐環境氣氛更繫人心呢！讚！但我今次post的原動力是源於同一餐廳竟有天堂與地獄之別，無論如何要抽個時間說一說，消消氣！話說剛過了的父親節，我想老爸能一嘗鮮嫩的海班，勞師動眾帶老爸(老爸年屆90多歲，行動不便)和一家人來堅尼地城午餐，老爸習慣中午十二點便要午飯，而西環碼頭十二點才剛開始營業，所以連熱水都還未燒好，我們好理解，耐心等候，兩位很年輕的服務員也很有禮貌地解釋，我便趁此時走到門外魚缸揀魚，剛巧那據知是西環碼頭的＂經理＂正在打理魚缸，我問他有沒有小魚，他厲了我一眼，很不耐煩地不發一言指向某魚缸，我見不是我平常認識的魚，我請教他是什麼魚，他再厲我一眼，跟著便繼續幹活，我以爲他想把手上工作完成才答我，我終於站在他旁邊差不多一分鐘，原來他無打算再招呼我，我心知今次中計了，誤入黑店，我返回桌子，後來無奈把任務交給年輕的服務員，可是服務員實在太年輕，根本不知道我說什麼東星燕星，她唯有走去找那＂經理＂尋求協助，那＂經理＂當然是很憤怒和不情願地離開他的黃金收錢寶座，與小妹妹服務員出了門口魚缸指手畫腳了幾下就黑箸臉返回寶座，小妹妹服務員便回來向報告沒有我想要的魚，如果是晚上Ling姐他們一定會介紹有什麼其他好的選擇，我已氣上心頭，但又不想在爸媽面前發爛，給他們知道受到不禮貌對待，破壞節日氣氛，我用了最大的力氣把這啖怨氣呑了，我跟爸媽說我們吃小菜吧，幸好師傅沒令我失望，爸媽大讚菜餚煮得好，我才稍稍舒一口氣。幸好他只是經理，如果是老闆，我和男朋友便要另找飯堂了，但我以後鐵定不會再光顧午市！
继续阅读