九份飽 (屯門時代廣場南翼)

营业中

休息中

钟意饮珍珠奶茶嘅我都好钟意食台式料理，同朋友喺屯门时代广场逛完之后就周围揾吓有咩嘢食，见到九份饱呢间小店门口咁多人排队应该都唔错，一于试吓佢～餐厅入边嘅装饰好有老台湾嘅感觉，木枱木凳好有风味。香酥鸡扒鲁肉饭份量都唔少，鸡扒炸得香酥内软，肉质几嫩滑。鲁肉系切丁嘅五花腩，但系入口即化一啲都唔肥腻，侮辱再加埋啲汁捞饭一流👍🏻红烧牛肉米粉牛肉好大旧又入味，软淋唔会韧。每啖米粉都挂上浓而不腻汤汁，好味道。即叫即炸嘅酥炸鱿鱼须，热辣辣又香口，份量都唔少。胚芽珍珠奶茶同埋黑糖鲜奶都唔错。芋圆仙草荳奶都几特别，芋圆口感烟韧有咬口，加上淡淡嘅豆香同滑脱脱嘅仙草，又几好味。