小魚兒 (寶漢大廈) (已結業)

无意中碌手机见到呢间【小鱼儿】嘅鱼翅捞饭好抵食... 心思思约埋朋友去试下!去到发现原来唔止鱼翅捞饭抵食... 仲有好多菜式都好抵食... 好似蒜蓉牛油烧澳洲龙虾、避风塘澳洲龙虾... 每款都系$198咋!😍  大大碟... 认真超值!听讲呢度最出名系鸡煲同烤鱼... 得我同朋友两个食唯有二选一... 拣咗鸡煲!🔹重庆鸡煲(半只)迎合唔同客人嘅需要... 呢度嘅鸡煲可以自选麻辣度... 啲鸡煮到好入味... 而且keep到啲皮同肉都好嫩滑!🔹蒜香牛油烧扇贝(2只）劲多蒜... 劲香... 呢类嘅烧扇贝出面单点都要几十蚊1只... 呢度就38蚊2只... 超级抵食!🔹烧鸡软骨串钟意食四川风味嘅串烧就唔好错过啦... 有孜然味、麻辣味、香辣味... 再细分大、中、小辣! 非常香口!🔹金汤花胶鸡丝翅捞饭又有花胶、又有鸡丝、又有鱼翅... 用料十足...跟埋个饭都只系68蚊! 石窝上... Keep住热辣辣... 真系食过返寻味!🔹避风塘澳洲龙虾非常有镬气... 火喉十足... 炸出嚟嘅龙虾又香又惹味... d炸金蒜用嚟捞埋饭一流呀!整体上... 感觉环境好宽敞、干净... 食物质素唔错...