大排檔小炒 (華發大廈)

营业中

休息中

想揾个地方食小菜。见到呢间小菜价格适中。决定试一试佢。鱼汤蒜子浸时蔬。时菜都有几多款可以拣。菜心新鲜冇渣。份量两三个人食刚刚好。鱼汤好浓郁似系自己煲出黎。可以当汤饮。😋豉汁蒸鱼云。有一整个大鱼头斩件。蒸嘅火候几好鱼肉嫩滑。调味惹味得黎唔会过咸。净食唔驶送饭都得。拔丝咕噜肉。见到差不多枱枱都有叫。果然冇令人失望。咕噜肉炸浆唔会过厚。肉质柔软唔会硬。酸甜味唔会太抢好开胃。👍椒盐九肚鱼。相比之下较为普通。外表炸得够脆。但炸浆调味较淡。如果加重啲椒盐味会较好。当日好彩到达时间尚早。见到好多枱俾人book哂。所以想食都系book定稳阵。😎