影片
更多
2022-12-29
43 浏览
早排听住喺东涌嘅朋友讲，佢屋企附近有间隐世大排档，难得放假就入去行下outlet顺便觅食。虽然系隐世，不过都唔系太难揾，巴士站落车行前少少过返对面就系。我哋4个人，叫咗6个𩠌同3碗饭，食到劲饱😂😂中间仲嗌咗嘢饮，不过系罐装，冇乜特别就冇影到～麻辣鸡煲呢排天气冻冰冰，乜都未拣就叫咗个麻辣鸡煲暖吓身先😂麻辣味好够，对我啲少食辣人士嚟讲就稍为重口味咗少少，但啲朋友一致赞好，我谂钟意食重口味嘅朋友就啱晒👍🏻咕噜肉呢味菜系同行朋友每到一间中菜都必叫😂正正常常有获气嘅咕噜肉，个味会系少少偏酸，但因为啱啱炸起，酸尾尾又热辣辣，超好送饭。榄菜肉松四季豆大家想叫个菜懒系健康，不过又唔想斋炒咁dry，呢个正正常常～因为系榄菜所以好够味送饭。豉汁蒸鳝因为有朋友想食鱼，老细就推荐咗呢味豉汁蒸鳝。本人就麻麻哋食鱼，怕腥又好怕食到骨😂第一次食鳝，试咗一嚿，又冇乜骨㖞🤔同埋豉汁又够入味，唔腥，都几好食👍🏻黄金凉瓜作为咸蛋控，一见到就好想试下黄金类，点啲朋友又话惊热气，所以为咗平衡一下，拣咗试苦瓜。以为会有啲怪，点知越食越上瘾😂咸蛋黄炸本身系几heavy的，但炸苦瓜嘅话食落好神奇，好似有一种热气中嘅清新，食完一嚿又一
我哋4个人，叫咗6个𩠌同3碗饭，食到劲饱😂😂中间仲嗌咗嘢饮，不过系罐装，冇乜特别就冇影到～
麻辣鸡煲
呢排天气冻冰冰，乜都未拣就叫咗个麻辣鸡煲暖吓身先😂麻辣味好够，对我啲少食辣人士嚟讲就稍为重口味咗少少，但啲朋友一致赞好，我谂钟意食重口味嘅朋友就啱晒👍🏻
咕噜肉
呢味菜系同行朋友每到一间中菜都必叫😂正正常常有获气嘅咕噜肉，个味会系少少偏酸，但因为啱啱炸起，酸尾尾又热辣辣，超好送饭。
榄菜肉松四季豆
大家想叫个菜懒系健康，不过又唔想斋炒咁dry，呢个正正常常～因为系榄菜所以好够味送饭。
豉汁蒸鳝
因为有朋友想食鱼，老细就推荐咗呢味豉汁蒸鳝。本人就麻麻哋食鱼，怕腥又好怕食到骨😂第一次食鳝，试咗一嚿，又冇乜骨㖞🤔同埋豉汁又够入味，唔腥，都几好食👍🏻
黄金凉瓜
作为咸蛋控，一见到就好想试下黄金类，点啲朋友又话惊热气，所以为咗平衡一下，拣咗试苦瓜。以为会有啲怪，点知越食越上瘾😂咸蛋黄炸本身系几heavy的，但炸苦瓜嘅话食落好神奇，好似有一种热气中嘅清新，食完一嚿又一嚿🤣🤣
烧鹅例牌
最后就系成餐饭嘅重头戏！呢碟烧鹅一上枱全部人都哗咗一声，只鹅好似搽咗油咁超级闪令令，热辣辣，食落啲油香味真系劲正，最估唔到系有脾食，呢个价钱嚟讲好抵食啊！
张贴
