德記大排檔

营业中

休息中

星期日同朋友喺大围踩完单车，要补充体力，大家一致认为要食鸡粥，于是朋友就带住我地去到火炭揾食。4个人叫左个大鸡粥，鸡肉明显用盐腌左好耐，入哂味，好够咸。咸鲜味令鸡粥亦都好够味，粒粒米花都煲到涨大，粥底绵滑。乳鸽系炸嘅，皮脆肉嫩又多汁，我地4个人叫左两只，每人食半只都食到好多肉，肉厚肥美，必食👍🏻👍🏻👍🏻😋椒盐多春鱼非常香口，炸到脆卜卜。而且每条多春鱼个肚都胀卜卜好多鱼春，正！京都猪扒较一般，猪扒偏瘦，食左两旧都唔算好松化。另外我地仲叫左碟蒜蓉白菜仔，都大大碟。