影片
更多
2017-07-25
450 浏览
八号风球「洛克」仅历时4小时，过咗正午，大家见到外面完全冇风（仅有细雨），开始四出活动，屋企附近嘅戏院都几近满座。睇咗一阵边度无咁full，最后决定去荃湾睇。睇完戏，好少出荃湾嘅我见难得黎到，应该食返D荃湾先有嘅特别野，于是就向住新界西嘅朋友请教...朋友推介咗「老板娘云南米线」，咁我就开始Google Map，唔算太难揾，好快就去到！星期日8:40pm去到，见到前面得7/8个人排排坐等紧炸！我哋亦加入队伍，一边坐一边填点菜纸。人龙比预期中少，我哋等咗10分钟就可以入座，好快！炸物亦极速上台！下面呢碟系野菌腐皮卷，可以见到馅料有菇同粟米。至于呢碟就系鱼肉响铃👇份量略嫌较少，得３旧而且其中一旧系无馅嘅！鱼肉响铃咬开后：👇关于炸物的小评语：-富有特色（其他地方应该揾唔到），- 热辣辣、刚刚炸起可惜：- 颇为油腻（无办法，炸嘢系咁架啦！）- 炸物黎到之后，碗米线等咗好耐好耐先上台，摆到冻+硬晒，无咁好食。我嗌咗上面2款贵𩠌➕清汤米线，52蚊。怕辣嘅我以为只有清汤可以选择，一如所料清汤真的很清（只有葱味）。返到屋企，细心再睇睇openrice先发现原来有「蒙古汤底」(孜然粉味)，极度后悔无试到
过咗正午，大家见到外面完全冇风（仅有细雨），
开始四出活动，
屋企附近嘅戏院都几近满座。
睇咗一阵边度无咁full，
最后决定去荃湾睇。
睇完戏，好少出荃湾嘅我见难得黎到，
应该食返D荃湾先有嘅特别野，
于是就向住新界西嘅朋友请教...
朋友推介咗「老板娘云南米线」，
咁我就开始Google Map，
唔算太难揾，好快就去到！
星期日8:40pm去到，
见到前面得7/8个人排排坐等紧炸！
我哋亦加入队伍，
一边坐一边填点菜纸。
人龙比预期中少，
我哋等咗10分钟就可以入座，好快！
炸物亦极速上台！
下面呢碟系野菌腐皮卷，
可以见到馅料有菇同粟米。
至于呢碟就系鱼肉响铃👇
份量略嫌较少，
得３旧而且其中一旧系无馅嘅！
鱼肉响铃咬开后：👇
关于炸物的小评语：
-富有特色（其他地方应该揾唔到），
- 热辣辣、刚刚炸起
可惜：
- 颇为油腻（无办法，炸嘢系咁架啦！）
- 炸物黎到之后，
碗米线等咗好耐好耐先上台，
摆到冻+硬晒，无咁好食。
我嗌咗上面2款贵𩠌➕清汤米线，52蚊。
怕辣嘅我以为只有清汤可以选择，
一如所料清汤真的很清（只有葱味）。
返到屋企，细心再睇睇openrice先发现
原来有「蒙古汤底」(孜然粉味)，
极度后悔无试到！
男朋友嗌咗1款普通𩠌（卤水金钱肚）
➕麻酸辣汤底（小辣），40蚊。
佢话小辣对佢有点太辣了，
而且食到个嘴有麻痹嘅感觉。
最后仲等我食晒之后，
将D金钱肚浸下我D清汤先摆入口。
整体而言，「老板娘云南米线」除咗
米线弹牙、汤底浓郁、又够大碗之外，
佢的确系好有特色，
𩠌嘅款式多数系一D其他普通米线店冇嘅嘢！
可惜今日我哋都唔太饿，
下次想试试「云酱猪软骨」
同埋个个都赞嘅「炸鸡球」！
张贴
