小茶角 (Wetland Seasons Bay)

营业中

休息中

今年第一个八号风球，终于都有一日风假，落波后去屋企附近揾食，来到了「小茶角」。纽西兰牛肉眼扒8oz配炸薯角及田园沙律 :上碟时已经切好一件件，食得好方便。5成熟嘅牛扒煎得刚刚好，食落好juicy，牛味香浓，用盐微微调味后，唔需要酱汁已经好好味。Dinner Set包餐汤或田园沙律，是日餐汤系忌廉磨菇汤，有好浓磨菇味，仲食到有碎碎嘅磨菇粒。黑糖波霸鲜奶 :跟餐饮品半价，入口口感幼滑，黑糖味好香，味道唔会太甜，珍珠好Q弹，好好饮。蟹肉牛油果沙律 :有好多蟹肉，味道鲜甜，沙律菜好新鲜，配上甜滑嘅牛油果，食落感觉好清新。吉列炸蚝 :一份有五只，外层炸得香脆，内层嘅蚝保持鲜嫩，唔会炸到好干。蒜香白酒煮蚬 :上枱时已经闻到好浓烈嘅蒜香味，份量都几多，蚬肉鲜甜无沙，加上白酒汁调味更惹味。