風月堂 (已結業)

今晚同老婆大人二人世界，老婆话要食西餐，我静静鸡book左位，叫佢系佐敦等带佢去食风月堂。以前风月堂都几多分店，但执下一间，执下又一间，好彩仲有呢间！拿破仑鸡肉意粉沙律配蚬肉脆汤包个汁甜甜地几开胃，食落觉得似茄汁，除左鸡肉之外仲有少量火腿无咁dry。个脆汤包几特别，个包好似奶油猪脆脆地，汤好浓味，类似忌廉汤，蚬肉分量多，我比70分。烧牛舌平时食开薄薄的放题烧牛舌，好耐无食过厚的汁煮牛舌，牛舌爽口，咬落唔un，啲肉一丝一丝咁，个汁也调得好，烧汁的味道，咸咸地。我比70分。紫萝兰苹果茶只能够说Set杯好靓好有英式茶的感觉。苹果味唔重，系淡淡清甜的苹果味，至于紫萝兰？对不起，我闻到的是薰衣草味整杯茶都是苦苦涩涩的，需要加蜜糖先饮到，我比50分。甜品时间到了，老婆拣左雪糕串烧，三球雪糕用棒穿住挺特别的。士多啤梨味雪糕好味，香浓士多啤梨味。雪糕稍为冻左啲，一入口冰冰地，要等一阵先食到，卖相100分吧！