花月居酒屋

营业中

休息中

唔知呢间野系咪新开呢，入内环境觉得坐得几舒服，人不多，真系旺中带静，隔离枱坐住几个日本人，大家都唔听得明大家讲咩，除此以外就冇其他人啦。首先叫咗个鳕场蟹肉沙律蟹肉嘅份量都几多，青瓜丝好爽口，仲有啲脆卜卜嘅鱼子吊下味，口感亦好好。杂锦刺身就精彩啦！有成九款咁多，其中我最钟意当然系海胆啦，几鲜甜。三文鱼腩亦都够晒肥美，软软的三文鱼肉，好香溜。拖罗出现了！争食是无可避免的。黑豚肉朝鲜酱锅讲到明系朝鲜，咁应该唔系正宗日本野，但系我都几欣赏呢个菜式，可以玩下fusion，酱汁甜得来几香浓，啲黑豚肉几爽滑，而且放入锅之前已经煎香过，特别香口。啲菜煮得好入味，吸晒啲汤汁的味道，好惹味。鸡翼烧得几香，啲肉都够干身，外皮当然烧得好趣啦！真系食白果啊！原来烧白果食都几得意嘅。鸡肉紫苏叶卷，估唔到紫苏叶烧起上嚟咁香。