影片
更多
2023-08-10
493 浏览
8号风之下有额外假期，无嘢做落咗去食个饭😝由屋企到商场全部室内，连遮都唔洗带🤪落街之前无特别谂食咩，预咗唔系好多地方有开，见到咩就食咩。最近太古城中心入面food court装修咗，除咗面包店之外都无特别去试过，今日特登去揾嘢食🥢Food court模式同以前差唔多，有大约一半嘅位置系普通food court，有一半系餐厅。近出口位同样有面包店，今次去试一试泰国嘢。烧猪颈肉炒金边粉 ($86)金边粉上面铺咗差唔多十片猪颈肉，份量比想像多。有芽菜、豆干，仲有花生碎同辣椒干放旁边，要几多捞几多。猪颈肉煎到有少少焦脆，唔错。不过豆干有少少雪味。无骨海南鸡饭 ($88)本身想叫芒果糯米饭😂但系因为打风，水吧整嘅所有食物暂停供应。Menu选择唔多，于是拣多咗个主食。无骨海南鸡肉质好滑，再配油饭，正😋整体食物份量都比想像中大，但天气关系，想食嘅嘢都未能供应，而餐牌上选择亦唔算好多。虽然餐厅座落喺food court入面，但系有一种自成一角嘅感觉，又坐得舒服，值得一试。
8号风之下有额外假期，无嘢做落咗去食个饭😝
由屋企到商场全部室内，连遮都唔洗带🤪
落街之前无特别谂食咩，预咗唔系好多地方有开，见到咩就食咩。
最近太古城中心入面food court装修咗，除咗面包店之外都无特别去试过，今日特登去揾嘢食🥢
Food court模式同以前差唔多，有大约一半嘅位置系普通food court，有一半系餐厅。近出口位同样有面包店，今次去试一试泰国嘢。
烧猪颈肉炒金边粉 ($86)
金边粉上面铺咗差唔多十片猪颈肉，份量比想像多。
有芽菜、豆干，仲有花生碎同辣椒干放旁边，要几多捞几多。
猪颈肉煎到有少少焦脆，唔错。不过豆干有少少雪味。
无骨海南鸡饭 ($88)
本身想叫芒果糯米饭😂
但系因为打风，水吧整嘅所有食物暂停供应。
Menu选择唔多，于是拣多咗个主食。
无骨海南鸡肉质好滑，再配油饭，正😋
整体食物份量都比想像中大，但天气关系，想食嘅嘢都未能供应，而餐牌上选择亦唔算好多。
虽然餐厅座落喺food court入面，但系有一种自成一角嘅感觉，又坐得舒服，值得一试。
张贴
