博多一幸舍 (已結業)

去完书展后, 大风大雨, 去左呢间食拉面第一次试, 专登拣tea time, 4:30左右, 贪佢一定唔使点排队等位, 无咁多人点样去 ?店舖位于内街, times square正门行出黎, 转左向鹅颈桥方向, 去到桥底前转右第一条内街就系登龙街, 记住唔使过马路行到去桥底 !环境 ?细细间, 好有日本feel值得一赞 : 职员态度好友善讲咁耐, 食物又如何呢 ?先睇睇相 :我拣左呢款博多浓厚豚骨拉面 果然系浓厚, 店员一捧上枱, 我试一口汤底, 已感到个汤底系"杰身", 唔会系好稀既呢样我几buy, 因为有D拉面店D汤底真系会比较稀面质我拣普通, 其实我从来唔明D人拣超硬既话会点? 另外, 真系值得一提, 拣呢款既朋友, 而如果你又想有多D"料"送面的话, 就要另外加钱多3块叉烧la因为本身碗面只系包一块叉烧ja朋友点左呢款, 佢话少少辣, 都几好味 本身会有3块叉烧, (可以唔使另外加都得) , 包埋芽菜, 而我个款就无芽菜既唔钟意芽菜既可能要落单前request la总括而言, 我觉得唔错, 有机会一定会再黎, 下次要试下黑芝麻炸蒜油个款