巴依餐廳

营业中

休息中

山竹来势汹汹，系有可能打风嘅星期五，和同事们兴起想出外揾嘢食。经过见到巴依餐厅好神秘成日都唔知系食咩，于是就走入去试下啦～可能系lunch同埋开咗学嘅关系，好多同学都走来食lunch，不过侍应都好快就安排到座位比我哋。lunch menu好简单，有几款粉面，其中有个$280大盘鸡好似好吸引。望一望后面果枱有叫呢碟嘢，问一问侍应，佢话大盘鸡下面会有面，我哋4个人应该食得晒～同同事商量之后就决定叫个大盘鸡试一试！大概等咗十几分钟之后，大盘鸡就到啦～好香！有啲似麻辣鸡煲味～大盘鸡主要有好多鸡块，薯仔，辣椒同埋最底有个面底，都真系几大盘...首先讲啲鸡，佢一早注明系有辣味，鸡肉几入味，入口有麻辣，加少少佢本身碟嘢嘅酱汁一起食几惹味，不过美中不足之处系比较多骨位同埋无咩肉可以食到～薯仔应该系本身同个酱汁一起煮嘅，所以都好入味，用薯仔嚟中和返少少辣味，对于一啲唔食得辣嘅人来讲应该系救星因为我本身比较钟意食辣，所以觉得再辣少少都仲可以！之前侍应话有面底，大家都好期待系咩面呢，个大盘鸡嚟到都见唔到有面嘅，大家反一反上面啲薯仔同埋鸡，就发现原来个面底真系系最底比较surprise系个面底用咗厚同粗身嘅面