火車頭越南餐室 (浣紗街)

营业中

休息中

好耐冇去过食越南菜了，之前去咗越南因为自己太钟意食越南野嘅关系。所以个月都食好几次越南菜式，包括午餐晚餐😍🤤之前听朋友讲大坑好多嘢食，今次同朋友聚会点拣咗大坑火车头越南餐厅。呢度够晒方便，门口有街位可以泊车，唔使惊抄牌。餐厅内里都好有越南特色，而且坐得好舒服唔会觉得好逼夹。越南菜当然唔少得佢哋嘅小食，蒸粉卷，入边嘅𩠌菜同埋配料，都系好有越南风味。咬落去有啲酱汁走出嚟，正👍🏻👍🏻酸辣凤爪，越南嘅香醋，配上甜甜酸酸嘅酱汁，非常之开胃，而且亦都好爽口。呢度最出名嘅火车头汤河，物超所值，非常大碗，有各式各样嘅牛肉品种，包括牛丸牛柏叶牛腩牛筋等等，全部都好入味。汤底不在讲，非常之浓郁，面质亦都好爽。咖喱牛腩煲，香浓嘅咖喱汁，加埋煮得好滑嘅牛腩，如果加配埋法式面包，令人回味无穷。马介休炒菜，小小嘅辣味，带出椰菜嘅新鲜嘅味道好味。因为天气炎热嘅关系，要饮番杯餐厅推介既特饮，芒果梳打，可以讲系消热度100. 非常之解渴。