影片
更多
2011-06-29
214 浏览
4月5日, 睇完展览, 当然系揾食时间~ 沙田有好多特色大排档, 又有驰名鸡粥, 都有食过几间~ 今晚就嚟到禾𪨶村嘅陈根记, 贵为openrice得奖热店, 果真人山人海, 好多街坊食客~ 连位都要自己揾呢下充满香港风味, 辛苦之下终于揾到搭枱位~::: Wasabi蟹籽手撕鸡 ::: $58厨师推介作, 手撕鸡加Wasabi蟹籽, 几新鲜~ 除咗Wasabi蟹籽同手撕鸡之外, 仲有火腿加海蛰, 用料十足, 碟头唔细, 作为开胃菜应该够4人食~ 手撕鸡够晒冻, 如果佐酒食就更惹味, 火腿又可以更加肉味, 海蛰又有弹牙口感, 夹一撮一齐食有晒唔同感觉~ 再赞一下Wasabi蟹籽, 有少少芥末味, 辣辣地劲开胃~ 佢地都有普通手撕鸡, 但系应该唔及呢个惹味, 推介!::: 孜然棒棒骨 ::: $54睇名都谂到, 即系一条棒状肉骨加上孜然粉~ 原本以为系猪肉或者羊肉嚟架嘛, 原来系6只鸡下髀! 炸得香脆嘅鸡脾, 香脆无比, 肉质鲜嫩, 外脆内软~ 加埋孜然粉, 带有少少胡椒味, 香味十足, 正! 可能炸到几干, 食落唔会一口油腻, 整体有d似kfc炸鸡, 可惜呢个肉都系鸡, 同手撕鸡撞咗…
::: Wasabi蟹籽手撕鸡 ::: $58
厨师推介作, 手撕鸡加Wasabi蟹籽, 几新鲜~ 除咗Wasabi蟹籽同手撕鸡之外, 仲有火腿加海蛰, 用料十足, 碟头唔细, 作为开胃菜应该够4人食~ 手撕鸡够晒冻, 如果佐酒食就更惹味, 火腿又可以更加肉味, 海蛰又有弹牙口感, 夹一撮一齐食有晒唔同感觉~ 再赞一下Wasabi蟹籽, 有少少芥末味, 辣辣地劲开胃~ 佢地都有普通手撕鸡, 但系应该唔及呢个惹味, 推介!
::: 孜然棒棒骨 ::: $54
睇名都谂到, 即系一条棒状肉骨加上孜然粉~ 原本以为系猪肉或者羊肉嚟架嘛, 原来系6只鸡下髀! 炸得香脆嘅鸡脾, 香脆无比, 肉质鲜嫩, 外脆内软~ 加埋孜然粉, 带有少少胡椒味, 香味十足, 正! 可能炸到几干, 食落唔会一口油腻, 整体有d似kfc炸鸡, 可惜呢个肉都系鸡, 同手撕鸡撞咗…
::: 蚝饼 ::: $45
蚝饼不嬲都系大排档常见菜色, 不过呢度嘅蚝饼就稍嫌失色… 蚝仔份量系几多, 啖啖都食到肉, 但系唔太新鲜, 仲食到d蚝壳… 炸出嚟嘅蛋饼多油, 亦都唔够香脆, 粉多过蛋… 庙街货色应该仲好d~
::: 金银蛋苋菜 ::: $42
最后叫多个菜, 苋菜都新鲜, 味道唔错~ 鸡蛋皮蛋都好正常, 不过不失~ 赞嘅系个上汤底几清甜, 为整个菜都生色不少~
::: 白饭 ::: $6x2
白饭装得满满, $6一碗几抵食~
整体食物味道有水准, 又有特色菜款, 感觉比不远处金沙角还要好~ 但系落脚点唔系太好, 喺火车站都要行二十分钟先到~ 要周未嚟食就要早一d, 多朋友一齐食要揾大枱都几难… 大排档地方就唔食太企理, 但系胶枱布, 碗筷都算ok干净~ 下次我地会再嚟食架~
张贴
