六両三.台灣食堂

营业中

休息中

今日5点几去左观塘食台湾菜。餐厅喺国基集团中心4楼，餐厅都几大，座位阔落，水吧同厨房各一边。呢到有火锅餐，台式牛肉面等，我见有煲仔饭餐，就叫左一个黎试下。餐厅落单用qrcode，非常方便。我就叫左煲仔饭套餐。主角 咖哩牛筋腩煲仔饭，上枱热辣辣 滋滋声。咖哩味香浓，大大件牛筋腩，拨开面头嘅咖哩，见到饭粒干爽，煲底仲有金黄饭焦。咖哩香浓，配料处理得好细粒粒洋葱食落好有咬口，好啱捞埋干爽嘅饭粒。牛筋腩大大件，咬落真系件年都带筋，肉质软嫰，一丝丝嘅牛腩肉质都唔干，牛味都好香。食到落底都仲keep到个温度，真系风味十足。仙草奶茶 去甜去冰，茶味淡香，奶茶质感幼滑仙草落足料，啖喺清新爽口仙草冻。卤肉烫青菜，生菜配上卤肉汁，生菜爽脆，啱哂配重口味仔饭，适量卤肉味道更香。酥炸甜不辣，少少胡椒调味，新鲜炸起，外脆，里面弹牙，非常香口。餐厅选择多，环境舒服，价钱都合理，系观塘区打工仔唔错嘅选择。