品川日本料理 (已結業)

黎左如心广场食品川，其实商场重有好多餐厅都未开放，可能装修紧啦。不过新商场真系新商场，开系3楼嘅品川就因而获得地利啦。餐厅有大量嘅落地玻璃，望到荃湾嘅海景，令到成个格调都提升唔少。野食方面，先讲大家最期待嘅刺身，选择多，而且用电话落单，所以无岀现漏单问题，叫几多就黎几多。不过部份刺身都有少少瑕疵，会有少少未解得切冻。熟食就选择多到食唔晒咁多样，个人最中意蒜片牛柳，牛味浓郁，而且牛肉大大旧，又够入味，啱晒我呢d食肉兽。另外烧牛舌都非常岀色，外皮微焦，所以有种脆脆地嘅口感。非常唔错！甜品同野饮都好多野拣，泡芙味道几好，另有糖水绿豆沙选择，放题黎讲，算系中上水平啦。整体黎讲，品川比到住系荃湾嘅朋友更多选择，食放题，唔一定要岀旺角嘅！