一風堂 (Lab Concept 金鐘廊)

营业中

休息中

各地过江龙都嚟香港开舖，就算唔去旅行都可以食到世界美食🌍。「一风堂」发源自九洲博多，喺日本拉面界有举足轻重嘅地位。拉面嘅豚骨汤底的确正👍，熬到呈现奶白色，饮起来浓郁厚实，仲好有胶质及黏唇感，而且又唔会死咸。特制赤丸新味系将自制香油及赤味噌加入拉面中，口味较重，带点微香辣。配菜有4⃣️片慢煮叉烧、半只糖心蛋及两片海苔。叉烧肥瘦均匀，慢煮法令肉质好嫩滑。幼细嘅面条爽口弹牙🦷，点菜时更可以跟店员要求面嘅软硬度。惠顾拉面加$28可以追加迷你豚肉饭、烧鳗鱼串、芝麻波菜。豚肉饭系用日本珍珠米，酱汁就咸咗啲。芝麻同波菜有啲格格不入，胜在高铁质。烧鳗鱼油脂丰富，肉质软稔，好好味。