六本渥日本料理鐵板燒+爐端燒 (已易手) 新餐厅

今日朋友仔生日，又系要谂食乜既时侯，朋友仔三心两意，最后都系等我决定啦。依间餐厅就非常适合啦，晩餐铁板烧黎讲，价钱算好合理，有晒鲍鱼， 飞驒牛，太适合去庆祝啦。飞驒牛铁板烧套餐$888/2人先有 冲绳海葡萄沙律，依串绿色既粒粒，其实系冲縄名物海葡萄，囗感一粒粒，脆卜卜嫁，食少少沙律就准备食主角啦。第一个菜系墨鱼籽鹅肝蒸蛋，女厨师系铁板上蒸蛋，将蛋液放系蛋壳，好特别嫁。入面仲会有鹅肝，同放上墨鱼籽，好高贵嫁。而海鲜方面就有大海虎虾，活鲍鱼仔。虎虾真系好大只啦，女厨师超快起左条肠同内藏，快速烧一烧，咁就食得啦。啲肉超级弹牙，质素好高！ 活既鲍鱼仔都好大只嫁，由于佢原本系生既，不断咁郁，烧后既肉质好弹牙同结实，真系好食嫁！！铁食咁多肉，最后食番下菜先，生菜同芽菜好够火侯，而且好甜，都几新鲜。味噌汤入面仲有蚬肉仔，估唔到㖞。甜品方面就系木糠布丁，虽然好似同铁板烧唔太夹，但都唔错既。