影片
更多
2020-10-10
2787 浏览
其实我同我老公喺几个月前食过呢间餐厅, 𠮶次嘅体验系颇差, 差到我觉得呢间餐厅座落喺呢个咁靓景嘅位置完全嘥晒.𠮶餐饭系庆祝我老公生日. 我哋被安排坐喺sofa 𠮶边最埋, 我哋两个都睇唔倒景嘅位置.我问带位𠮶个侍应可唔可以坐窗口𠮶张枱, 佢就话唔得有人book咗, 咁就算啦. 系我衰我冇book窗口位, 因为冇谂住个餐厅嘅室内设计得𠮶三两张枱系对住个景, 同埋谂住佢哋会安排生日嘅客人好小小嘅位㗎嘛..坐咗一阵, 有两个客人坐低喺我哋隔离嘅6人枱, 扰扰攘攘咗一阵就听到佢哋同侍应讲话佢哋应该系book咗八个人. 带位𠮶个侍应就同我哋讲要调我哋去原本佢话有人book咗嘅窗口位, 因为隔离嘅客人要埋我哋个位先够坐. 佢话book咗窗口𠮶个客人啱啱 cancel 咗个booking㖞. (前后都冇15分钟, 一早俾我哋坐窗口位咪好啰😅)食物方面: - 最好味就只有麻辣蚬意粉, 个味几好, 软硬度都算啱啱好- 但系其他𠮶啲, 材料/味道配搭好奇怪. 你会食得出调味, 煮法各方面系冇技术. 好似将中/西式食物并埋就叫 Fusion.- 例如椰汁鲍鱼花胶鸡汤, 其实整个清清哋嘅汤都已经好好味, 但系
𠮶餐饭系庆祝我老公生日. 我哋被安排坐喺sofa 𠮶边最埋, 我哋两个都睇唔倒景嘅位置.
我问带位𠮶个侍应可唔可以坐窗口𠮶张枱, 佢就话唔得有人book咗, 咁就算啦. 系我衰我冇book窗口位, 因为冇谂住个餐厅嘅室内设计得𠮶三两张枱系对住个景, 同埋谂住佢哋会安排生日嘅客人好小小嘅位㗎嘛..
坐咗一阵, 有两个客人坐低喺我哋隔离嘅6人枱, 扰扰攘攘咗一阵就听到佢哋同侍应讲话佢哋应该系book咗八个人. 带位𠮶个侍应就同我哋讲要调我哋去原本佢话有人book咗嘅窗口位, 因为隔离嘅客人要埋我哋个位先够坐. 佢话book咗窗口𠮶个客人啱啱 cancel 咗个booking㖞. (前后都冇15分钟, 一早俾我哋坐窗口位咪好啰😅)
食物方面:
- 最好味就只有麻辣蚬意粉, 个味几好, 软硬度都算啱啱好
- 但系其他𠮶啲, 材料/味道配搭好奇怪. 你会食得出调味, 煮法各方面系冇技术. 好似将中/西式食物并埋就叫 Fusion.
- 例如椰汁鲍鱼花胶鸡汤, 其实整个清清哋嘅汤都已经好好味, 但系佢就整到好似茶餐厅嘅忌廉汤咁, 成碟嘢即刻平咗. 有个部长问我哋意见, 我觉得佢唔系好接受我哋嘅意见, 佢话咁样系 Fusion 㖞.
- 海胆西兰花炖蛋 - 呢碟真系三样嘢都唔夹, 啲西兰花冇调味, 冇汁就咁摆落去. 啲蛋又唔滑. 海胆又唔系话好靓
- 我拣咗和牛 - 基本上未试过觉得和牛系难食
- 差唔多每道菜都有泡?! Presentation 冇咩心思. 全部都系抄人嘅.
- 冇一碟系突显倒原材料嘅鲜味
服务方面:
- 以上所讲嘅坐位问题, 未开始食就觉得’濑嘢’
- 有几道菜, 有个男侍应好大力摆低咗就行咗去, 冇介绍. 要另外一个侍应行埋嚟介绍番. 全世界食咗咁多西餐都未试过咁样
- 个部长唔系好接受意见
环境方面:
- 各方面都咁失望, 好采有得坐窗口咋😅
- 但系我哋坐𠮶个位系最近门口𠮶个, 所以冷气唔够. 𠮶阵正正系夏天
- 我𠮶位仲要滴埋冷气机水😳
总括而言:
- 虽然唔系太贵, 但系都系觉得唔值
- 个景咁靓, 真系嘥晒
29 浏览
1 赞好
0 留言
28 浏览
0 赞好
0 留言
38 浏览
0 赞好
0 留言
张贴
