影片
更多
2022-07-22
372 浏览
呢间系近年食过台式火锅最难食嘅餐厅的确餐厅内有好多打卡位，刻意营造好似喺台湾夜市咁样嘅环境，系有心机座位阔落亦有二人卡位可以坐但系有头威无尾彩，大而无当。最大嘅问题系食物质素真系差得好紧要。当日点左大华猪骨同酸菜白肉汤底，系淡而无味到直头可以话同清水冇分别，完全系颠覆咗我对台湾菜同台式火锅味道嘅认知。lol 仲衰过去茶楼打边炉嗌沙嗲汤底。再到肉类，豚肉正常发挥无乜特别。但重点系所有牛肉都系好「鞋」兼且切到又厚又大块，越食系越失望。不过系靠佢填饱个肚同回本，无办法都系要食。之后去到台式小食，其实台式火锅嘅一大重点就系地道小食。当日好兴奋咁样每日都点啲嚟试吓，点知又出事。第一次食无肥肉嘅台湾肠，所有卤水牛筋/蛋/牛肚都系无味无道，油炸鬼就炸到好似饼干咁嘅口感，盐水鸡又无香料味，台湾葱饼又炸到硬晒。差到讲唔晒，所有小食真系无水准可言，全部基本上系是但求其整。放到入口你都唔会知自己食紧咩啰。唯一有水准系魔鬼炸鸡扒，有辣味有希望。甜品方面又系搞笑，基本上食放题或者牛涮锅都系会包你杯雪糕或者乳酪。呢度系要你影相上社交平台先比得个杯劲细嘅雪糕你食。然之后鲜草芋圆又甩咗单追好耐先送到，唔讲以为啲芋圆系
的确餐厅内有好多打卡位，刻意营造好似喺台湾夜市咁样嘅环境，系有心机
座位阔落亦有二人卡位可以坐
但系有头威无尾彩，大而无当。
最大嘅问题系食物质素真系差得好紧要。
当日点左大华猪骨同酸菜白肉汤底，系淡而无味到直头可以话同清水冇分别，完全系颠覆咗我对台湾菜同台式火锅味道嘅认知。lol
仲衰过去茶楼打边炉嗌沙嗲汤底。
再到肉类，豚肉正常发挥无乜特别。
但重点系所有牛肉都系好「鞋」兼且切到又厚又大块，越食系越失望。
不过系靠佢填饱个肚同回本，无办法都系要食。
之后去到台式小食，其实台式火锅嘅一大重点就系地道小食。
当日好兴奋咁样每日都点啲嚟试吓，点知又出事。
第一次食无肥肉嘅台湾肠，所有卤水牛筋/蛋/牛肚都系无味无道，油炸鬼就炸到好似饼干咁嘅口感，盐水鸡又无香料味，台湾葱饼又炸到硬晒。差到讲唔晒，所有小食真系无水准可言，全部基本上系是但求其整。放到入口你都唔会知自己食紧咩啰。
唯一有水准系魔鬼炸鸡扒，有辣味有希望。
甜品方面又系搞笑，基本上食放题或者牛涮锅都系会包你杯雪糕或者乳酪。呢度系要你影相上社交平台先比得个杯劲细嘅雪糕你食。然之后鲜草芋圆又甩咗单追好耐先送到，唔讲以为啲芋圆系一粒粒喺厨房入面搓紧。
总括，呢一餐系完全食到无晒心机，一路食一路呻难食。知道佢系同牛气同一集团，但系冇谂过质素争咁远。只可以讲，你打住「台式火锅」嘅名堂，最紧要嘅汤底同埋地道小食都做到一塌糊涂。不如做返普通牛涮锅算啦好无？到时小食甜品求其做都唔会话咁易出事。
最相映成趣系𠮶种环境同食物嘅落差，行入去𠮶阵见到好用心嘅装修系会幻想应该会好好食，点知到食完出嚟经返条同一条路离开就觉得好大落差，因为成件事真系得个样。两个人埋单唔多成600蚊但完全唔知自己食左d乜，系点都唔会有next time
张贴