彩福欣宴 (已結業)

今日老死生日，就约埋成班朋友黎到彩福呢间佐敦分店食龙虾庆下佢生日，88蚊斤既龙虾我真系食极都唔会厌，佢地仲要唔会hea你只只都足料又整得好食。今次我地整左佢个上汤既整法，效果都唔错不过个人都系最中意芝士，芝士焗龙虾再加佢个伊面底，真系完美既组合黎，不过上汤其实都高质，只系同芝士比就会比下去咁解！除左个龙虾之外，我地仲嗌左个炒通菜，平时炒通菜最惊佢就系落好多油，佢地系控制油量方面算系一流，食落唔会成口油。最后仲叫左只炸子鸡，皮脆多肉汁，下次黎到一定一定会再叫左只黎食！