銘陽車仔麵 (已搬遷) 新店位置

呢日因工作需要去左荃湾路德围做嘢，下午茶时间觉得肚饿，就走随意入去呢间《铭阳车仔面》食个下午茶。除咗车仔面，饮品都有好多选择。我叫咗个下午茶餐三宝 - 卤水猪大肠、台式五香腩肉、鱼片头麻辣酱粗面 ($39)，饮冻抹茶珍珠 (下午茶时间跟面只需$5)。个车仔面都算多𩠌，麻辣酱麻辣味唔太浓，卤水猪大肠炆得够腍，台式五香腩肉够入味，鱼片头弹牙，整体味道可以。冻抹茶珍珠，甜度适中，抹茶味如果浓啲会更好饮。整体感觉，食物味道可以，环境都算干净，可以一吃。