孖沙茶餐廳 (已結業)

今日顺路去上环做野，但又无食早餐，所以未够11点就揾地方食个 早午餐。行过见到平时排队的老店门口无人，立即跳身其中。之前一直无试就系因为要排队，今日终于可以一试三眼仔饭。落单后，姐姐好快就将三眼仔饭送上，有效率。三仔眼将底下的叉烧完全覆盖，一见到大大的三只眼我就急不及待将佢破坏。蛋汁伴饭从来都系由细食到大的 简单美食，更何况有三只蛋。但食到叉烧时，我就觉得伏左。叉烧又干又咸，同我想像的有好大出入。 干都唔紧要，系健康D (廋D) 者，但咸我就顶唔住。食到一半，我都顶唔住，唔再食。如果唔系有蛋汁，我估我食唔到一半的饭。可能我以为佢系蜜汁叉烧，所以先有落差，但就算系咸，都唔好 咸到连打淡食都食唔到。总结，见面不如闻名，可取的是其性价比，因为$41 有饭有饮品，在上环是唔错的选择。