林洪記水產

营业中

休息中

最近转过嚟深水埗呢边做嘢，中午过嚟呢度食晏昼饭，叫咗份无骨沙姜鸡饭。见价钱唔贵，谂住平平无奇，食落先察觉有惊喜！佢嘅鸡肉火喉掌握得好好，就好似图片咁样，咁嫩滑。鸡肉啖啖肉，食落好有口感。沙姜味亦都腌得入味，啱啱好。仲有佢哋呢间嘅鸡饭系跟埋嘢饮，都几好饮。我比较过，佢呢间嘅鸡饭比出面好多啲所谓海南鸡饭专门店做得更加好。首先佢哋嘅鸡肉用既应该系用靓料，所以食落更加嫩滑。佢哋嘅沙姜汁系自己调配，唔系用现成嘅，所以味道更加正宗。价钱方面，佢哋嘅无骨沙姜鸡饭只系卖38蚊，仲包埋嘢饮，真系超级抵。