影片
更多
2017-01-12
81 浏览
晌兰桂坊附近新开冇耐嘅Thainan Chicken,同隔离嘅Grill原来系姊妹店.只系一间系企位同外卖泰式串烧为主,呢间就有堂食同有几款泰式食品.入面全部都系高身吧台,装修都几有型格,不过店入面啲射灯几多同好光猛,某啲被直接照射嘅位就显得有啲闷热.睇咗午餐餐牌,原本想食串烧炒饭,啖啖肉睇落性价比几高,不过当日唔算肚饿,于是就试青木瓜手撕泰南鸡沙律.以为系简单轻食,实际份量就比想像中多非常非常非常非常非常多,入面有唔少手撕泰南鸡,切丝青瓜,甘笋,青木瓜,薄荷叶等,蔬菜量多又醒胃,鸡肉唔嚡,酱汁酸酸甜甜,好似有少少青柠汁嘅味道.另外仲试咗几款泰式串烧,大花虾嘅虾身比我嘅手仲要长,虾壳硬身易拆,虾肉肉厚弹牙,烧得刚好唔韧,同埋已经淋咗酱汁提味.有机露笋烧完之后仍然翠绿,口感爽兼冇渣.有机粟米冇烧到过干,味道轻甜脆口.菠萝就每件都切得厚身,香甜多汁又美味.午餐仲包一杯饮品,叫咗Iced Milk Tea,饮起上嚟有红茶香,甜味亦唔过高.仲额外叫咗杯Lime Soda试试,入面有多片鲜青柠,都几清香解渴.只要选择正确,食串烧都可以健康嘅.
晌兰桂坊附近新开冇耐嘅Thainan Chicken,同隔离嘅Grill原来系姊妹店.
只系一间系企位同外卖泰式串烧为主,呢间就有堂食同有几款泰式食品.
入面全部都系高身吧台,装修都几有型格,不过店入面啲射灯几多同好光猛,某啲被直接照射嘅位就显得有啲闷热.
睇咗午餐餐牌,原本想食串烧炒饭,啖啖肉睇落性价比几高,不过当日唔算肚饿,于是就试青木瓜手撕泰南鸡沙律.
青木瓜手撕泰南鸡沙律
10 浏览
0 赞好
0 留言
另外仲试咗几款泰式串烧,大花虾嘅虾身比我嘅手仲要长,虾壳硬身易拆,虾肉肉厚弹牙,烧得刚好唔韧,同埋已经淋咗酱汁提味.有机露笋烧完之后仍然翠绿,口感爽兼冇渣.有机粟米冇烧到过干,味道轻甜脆口.菠萝就每件都切得厚身,香甜多汁又美味.
午餐仲包一杯饮品,叫咗Iced Milk Tea,饮起上嚟有红茶香,甜味亦唔过高.
仲额外叫咗杯Lime Soda试试,入面有多片鲜青柠,都几清香解渴.只要选择正确,食串烧都可以健康嘅.
张贴
