無敵家

营业中

休息中

夜晚想食日本嘢，饮番杯倾吓偈，上网睇到呢间距离地铁站近近地，就拣咗呢间。成间舖头都有佢地招牌嘅名，好多牌匾。喺楼梯上楼嘅时候，见到有好多自家制嘅梅酒，一排摆晒喺度，吸引晒注意力，仲有写埋年份🥃。2楼位置都几阔落，就算我哋得两个人都俾咗四个人嘅话呢我哋，坐得好舒服，唔会迫，咁啱张枱嘅位置同隔离距离都比较远，方便倾偈。$58 免冶鸡肉软骨棒🍗$38 鸡翼$38 帆立贝串$28 串烧日本年糕🍡$58 厚切牛舌$198 顶级小牛排🥩$58 炸鸡软骨$55 蜜桃烧酒🍸最钟意就系食自家制嘅鸡肉软骨棒，烧到焦香，配埋生鸡蛋，绝配，入口食到鸡肉嘅软滑，又有鸡软骨嘅口感。另外就系顶级牛小排，脂肪分布好均匀，烧得啱啱好，放入口，牛嘅油脂味爆出嚟，落咗少少青柠，就唔会太油腻。试过喺其他地方食呢种牛肉，会有筋而咬唔开。牛舌串烧有3块，火候控制得好好，就算系厚切都唔会咬唔到，入口好爽。鸡全翼烧到鸡皮脆口，但鸡肉都仲滑，配酒一流。