影片
更多
2016-04-17
1065 浏览
落咗好多日雨终于放晴，适逢复活节长假，决定嚟东龙岛行吓。环岛行足一圈，上埋山顶再落返露营区，系时候食个下午茶，于是去假日士多揾位坐低。两个人叫咗一碗红肠鱼片面($26)，一碗水饺面($34)，整多罐冰冻忌廉($8)解渴。是日东龙岛好多游客，士多生意极好，所以都等咗几个字先有面食，不过唔紧要啦！放假就系要relax吓嘛～唔使咩都赶。红肠鱼片面卖相唔错，排得靓靓仔仔。红肠几厚，鱼片弹牙水饺系自家制，有冬菇饺同"九"菜饺。个人钟意冬菇饺多d，冬菇够香啊。另外面底都系出前一丁，绝对唔欺场架。唔食一丁可以拣米粉。其实嚟假日士多，味道都系其次，最重要系老板娘同店员嘅人情味。虽然人多做到踢晒脚，仍然态度一流，好好心机教我地行边条路会落到灯塔。仲介绍船家俾我地添(for平日入岛用)。睇得出佢地好用心经营小店，亦用心对每位客人。而且离岛士多嚟讲，价格绝对相宜，绝唔会㓥到一颈血。下次入开东龙岛，大家都不妨嚟假日食碗自制水饺，感受吓小店嘅人情味啦。
环岛行足一圈，上埋山顶再落返露营区，系时候食个下午茶，于是去假日士多揾位坐低。
两个人叫咗一碗红肠鱼片面($26)，一碗水饺面($34)，整多罐冰冻忌廉($8)解渴。是日东龙岛好多游客，士多生意极好，所以都等咗几个字先有面食，
不过唔紧要啦！放假就系要relax吓嘛～唔使咩都赶。
红肠鱼片面卖相唔错，排得靓靓仔仔。红肠几厚，鱼片弹牙
水饺系自家制，有冬菇饺同"九"菜饺。个人钟意冬菇饺多d，冬菇够香啊。
另外面底都系出前一丁，绝对唔欺场架。唔食一丁可以拣米粉。其实嚟假日士多，味道都系其次，最重要系老板娘同店员嘅人情味。
虽然人多做到踢晒脚，仍然态度一流，好好心机教我地行边条路会落到灯塔。
仲介绍船家俾我地添(for平日入岛用)。睇得出佢地好用心经营小店，亦用心对每位客人。
而且离岛士多嚟讲，价格绝对相宜，绝唔会㓥到一颈血。
下次入开东龙岛，大家都不妨嚟假日食碗自制水饺，感受吓小店嘅人情味啦。
张贴
