住家菜 (柯士甸道)

营业中

休息中

原本谂住简简单单揾间大牌档食吓小菜，轻轻松松吹吓水，老友记就推介哩间位于尖沙咀嘅住家菜，话试过，觉得唔错，又抵食，不防试一试我地叫咗六𩠌一例汤：鲜果千岛虾球最正，虾够大只，又够弹牙，鲜果有火龙果，菠萝及提子，配上千岛酱简直就系一碟中式大虾沙律；阿嫲鸡嘅鸡肉够滑，但味道唔觉太特出；柱贝鱼汤杂菜煲就无特别；柚子西柠鸡嘅鸡皮炸得够脆口，柚子中和咗柠檬嘅酸，恰到好处；铁板蒜爆牛柳粒用铁板上热哄哄，牛柳粒保持到腍身嘅咬口，可惜无牛味，而蒜味不太浓；咸鱼蒸肉饼感觉特别，煎过更香口，送饭一流，不过个人认为咸咗少许味道ok，价钱合理，总括来说觉得都唔错。