Hygge (已結業)

今日同男朋友系荃湾广场睇完戏就系附近食埋晚饭先返屋企。系门口见到个menu几吸引就试试啦。我地叫左有Happy Hour Discount买一送一既Plam Speciale Belge然后就有暖暖地既面包送上，我地仲叫左个炸洋葱圈配松露蛋黄酱黎送酒。个炸洋葱就咁食都几咸，但配埋啤酒就岩岩好！前菜叫左个三文鱼Caeser Salad黎Share同埋两个蕃茄汤，送面包好好味，男朋友差啲想饮埋我个碗！沙律既三文鱼都算多，每啖都有大大粒三文鱼，抵！主菜我叫左慢煮BB羊架，好嫩好重肉味但又唔膻，比我想像中仲要好味。男朋友就叫左红虾蒜蓉意粉，两只虾好巨型，仲有好多膏添，但个意粉就有少少干，唔似Carbonara咁会有sauce，所以佢自己清晒，哈哈。清好枱之后侍应哥哥比左两个氢气波波我地，教我地系上面咬一啖吸入面既氢气就可以变声，好搞笑。虽然个波食得但我都痴到一手都系，好彩佢地有比湿纸巾我同埋有地方洗手。最后就系我最期待既Earl Grey Panna Cotta啦，同我预期一样好好味，好滑好浓，加左蜜糖Dressing都唔会太甜，一百分啊！下次一定会再黎～