Hygge (已結業)

好耐无黎荃湾揾食，今次又试下新野，听说呢度既氢气气球甜品🎈食完系会变声架，好期待～餐厅每日都会有精选既餐牌，又有多个选择先黎个面包，一开始就有惊喜，面包系微温的，提子包好松软。之后就系松露磨菇，蜜糖鸡蛋，牛油果蟹肉酿炸薯皮，一黎到就已经好大阵黑松露香味，蜜糖蛋加左少少柚子酱，味道好清新。 先食牛油果蟹肉，然后再食松露蘑菇，因为黑松露味道比较浓，最后先食蜜糖鸡蛋，佢嘅柚子味就可以中和番个味道。再黎就系南瓜汤，热辣辣嘅南瓜汤，味道正常～之后再叫左道24个月西班牙式脆皮乳猪仔，肉质好嫩，外皮烤到劲脆，值得推介，再配沙律一齐食就无咁腻蒜香辣椒红虾意粉，微辣而且有好香既虾酱味我最期待嘅氦气气球，厨师会喺制作前简单讲解一下个食法，就系要成个气球吸晒入口，之后先再讲嘢，咁就会一下子变咗声，好搞笑，好好玩呀。今晚嘅甜品就系蜜糖Earl Grey 意式奶冻，浓浓既Earl Grey 味配塔蜜糖，味道啱啱好，下次再叫一班人黎食，一齐变声一定好好笑。