海膽仔

营业中

休息中

之前帮衬「海胆仔」系买过一次热食外卖，发觉半个钟后先品尝都仲keep到好味，眼尾见堂食都叫做有十张2人枱咁上下，而且想试吓佢啲海胆系咪咁正。二人枱就真系偏迫偏细，仲要旁边一定放盒饭子筷顶住啲空间；凳就算舒服不过凳下冇篮放大袋，枱与枱通道较窄。嗌咗个「S3海胆丼」，三文鱼籽下面𠮶撮海胆就冇餐牌𠮶堆咁大撮，鱼籽亦得几粒，紫菜亦只得3片，唔会包得哂入面接近两大碗嘅饭量。至少都做到几新鲜，每瓣海胆似小舌头般完整有致，饭面海胆食落就几鲜几清甜，到食到一版𠮶堆海胆，唔知系咪另一品种喇，发觉系另一种味道，海鲜膻味劲好多，海胆味亦厚重啲，令我谂起马粪海胆阵徐，配埋正常攻鼻正常辣嘅wasabi，比较上留记忆啲。另外嘅「K7汁烧鸡扒丼」饭多鸡扒件数多，仲要跟埋几好味嘅面豉汤同沙律，够哂饱，都系六十蚊左右算抵食。