聰少甜品 (已結業)

同朋友食完晚饭就紧系要食饭后甜品㗎啦！见聪少近近地，就起行去食。去到个时可能九点几，冇咩人，一入去就有位。环境干净，坐得舒服。甜品选择唔系好多，我地一人叫一个甜品，本来想食中式糖水，最后都系俾芒果吸引走咗😂我哋叫咗芒果豆腐花凉粉，士多啤梨凉粉同蜜瓜椰果冰。芒果豆腐花凉粉👍🏻芒果好甜，豆腐花好滑。佢上面放咗芒果沙冰，𠮶芒果沙冰好清新，唔系𠮶啲假嘅芒果味。士多啤梨凉粉👍🏻佢系放士多啤梨雪糕，𠮶雪糕几好味，不过我觉得夹凉粉有啲奇怪。蜜瓜椰果冰👍🏻食极都仲有，因为佢真系一大碗冰😂碗冰好滑，好绵，同埋啲蜜瓜都好甜。不过喺聪少坐得唔耐。可能因为过咗九点半十点就开始多人排队，我地一食完佢就会好快手收晒啲碗，搞到我地都唔好意思继续坐。