牛極 (庇利金街) (已結業)

今日放工同同事去佐敦食饭，我一直都想试下石烧牛扒，所以就黎左呢间位于佐敦既庇利金街名叫牛极既石烧牛扒店试试喇！呢度落单系要用呢部自助售卖机落既，十足十似系日本某啲餐厅咁，真系好有日本风啊！👍🏼👍🏼叫完野食块扒未到但系又好肚饿添，唔洗惊，有个位系自助区黎，可以系果度免费任舀沙律、白饭同埋汤既，另外仲有自家制烧肉汁、辛味芥末酱汁同蒜蓉蘸汁用黎稍后沾牛扒既，咁就可以食住前菜医下肚啦😋😋等左一阵我地两个既石烧牛扒终于上枱喇！石烧扒既好处就系本身块牛扒唔会太熟，然后等食客按自己既喜好去决定生熟程度，风味真系截然提升！👍🏼👍🏼我就叫左呢份牛肩扒($80/180g)试试，哗！真系不得了！肉汁完全锁住系块扒入面够哂丰富，沾少少烧汁更加令到味道变得特别浓郁，而且肉质亦都鲜嫩无比，就算系块石上面烧左好耐都唔会好韧，正！而同事就叫左牛柳($110/200g)，佢试完都话肉质嫰滑而且又富有弹性、味道仲够哂浓厚，而且佢仲话石烧牛扒系比较少油既，所以食完都唔会有太油腻既感觉，值得一赞👍🏼👍🏼