古早味原住台灣 (已結業)

睇电视见到台湾旅游节目，介绍台湾美食，突然好想食台湾野，就search到哩间”古早味”。由于食果日好热，所以都系一心想食个干捞面，现场环境好宽敞，冷气好够，卡位好舒服。睇一睇餐牌，尖沙咀黎讲算几划算。由于天气太热，所以都系想叫轻量醒胃既野食，我地叫左个古早味干捞面，面质够弹牙有咬口，加上香浓家乡肉碎，个汁非常入味，肉碎肥瘦均匀，仲有少少青瓜丝，哩个我可能系台湾都未必食得到。另外亦叫左个新竹炒米粉，虽然我唔识新竹有乜系出名既名菜，但个米粉炒得够干身，但咬落唔会太硬，加上一啲配料，哩个一定必叫。小食我地叫左个麻辣猪耳，麻而不辣，猪耳好入味，每一口都觉得到胶感浆住个囗咁，应该含骨胶原极高既一个小食。饮品方面，我地叫左2杯，一个系蜂蜜柠檬薏米水、柠檬冬瓜爱玉饮，薏米水清热解渴，冬瓜爱玉有好多啫喱酸味味好醒胃。