有囍 (已結業)

本身谂住family trip去新加坡， 但经过众人嘅商议之后都系决定去日本， 因为啲机票实在系太平，同去新加坡差唔多。 既然新加坡之旅唔成行，咁就唯有上网揾下有咩新加坡美食， 揾到呢个12月份十大好评的新加坡菜， 当然要嚟试下。餐厅嘅位置都算容易揾 ，七点半去到冇乜人，但过唔够半个钟就多人黎到，都算满场。 𠮶日天气好冻，十度以下，好多人都嚟打边炉，但喺我心目中已经锁定要食胡椒蟹， 所以一埋位scan一下menu就可以叫菜。新加坡炒胡椒蟹， 记得几年前去新加坡Jumbo食的黑胡椒蟹， 呛辣嘅味道令人难忘。今次当然要再试。 但呢次嘅煮法唔同，预先煮熟，然后再喺客人面前用冧酒， 胡椒，洋葱炒均，上菜时色香味俱全。 而且我哋今次仲咁好彩，由个样有啲似马来西亚人嘅老板娘操刀炒畀我哋。 不过辣度就冇新加坡咁呛喉， 但多咗其他味道，层次更加丰富，迎合香港人口味。饮食均衡紧系要叫个菜啦,净菜嘅选择唔多，得芥兰同椰菜苗，咁我梗系拣平时冇乜食到椰菜苗啦。 呢度菜难度唔高，但拣啱新鲜嘅食材， 先可做到鲜嫩可口。泰式辣肉碎炒饭 ，呢个价钱好平， 分量又大，饭炒到粒粒分明， 加咗四季豆， 辣肉碎， 辣椒 洋葱