一蔵酒場 (已結業)

放工打算食埋饭先返屋企，顺便搭船过尖沙咀行下新商场，路经湾仔码头，见好耐冇去过湾仔个筑地，就上去行个转，点知一见到呢间有鱼汤泡饭，就吸引咗我入去喇。虽然卡位冇哂，但对住个海食饭更别有一番风味、更写意。我哋嗌咗鱼汤泡饭，个汤好鲜鱼味，冇记错用咗䲞鱼，鱼肉已起哂骨，而且鱼肉应该系用汤淋上去整熟，所以唔会熟到烂哂，以䲞鱼这比较淡鱼味嚟讲都食到好鲜嘅味道实在有d喜出望外。至于串烧，免治鸡肉好食，牛舌有厚度，值得一赞，不过如果有些盐洒上面应该会更好。另外叫咗豚肉饭，望落去豚肉好似冇乜颜色，但食落去豚肉都好浓味，肥嘅部分仲入口即溶。美中不足系不论泡饭还是豚肉饭，饭质都太淋，而且太淡，否则就大满足喇。