影片
更多
2022-08-18
1078 浏览
实力派三星米芝莲法国菜是次人均消费：$1200总结：我已经想去encore了🥹————————————————————————特登夜晚捕住部电脑终于都book到呢间连续攞左十一年米芝莲三星嘅法国菜餐厅. Book 左比较signature嘅bar枱位，原来bar枱位会有一份small tasting portion menu，啱哂钟意试新野但又唔大胃口嘅我地. 我地两个人拣左一个4-courses lunch另外再喺small portion menu拣几款单点.餐前开胃菜有面包篮同冻汤 - 每个面包都系的骰size，好香牛油味，食唔哂可以打包番屋企. 另外蕃茄士多啤梨冻汤伴茅屋芝士雪糕，头两啖系酸甜开胃，不过个人觉得食到中段有啲腻.AppetizerLe Caviar Royal - 面层系椰菜花忌廉，中间有龙虾啫喱然后底层有鱼子酱. 一入口有椰菜花清香，伴随香浓嘅龙虾啫喱同埋咸香嘅鱼子酱，每一啖都系海洋嘅味道. 非常有层次而且配搭好平衡，唔会有格格不入嘅感觉.La Langouste - Rock lobster salad. 呢款沙律用左澳洲rock lobster，比较有咬
实力派三星米芝莲法国菜
是次人均消费：$1200
总结：我已经想去encore了🥹
————————————————————————
特登夜晚捕住部电脑终于都book到呢间连续攞左十一年米芝莲三星嘅法国菜餐厅. Book 左比较signature嘅bar枱位，原来bar枱位会有一份small tasting portion menu，啱哂钟意试新野但又唔大胃口嘅我地.
我地两个人拣左一个4-courses lunch另外再喺small portion menu拣几款单点.
餐前开胃菜有面包篮同冻汤 - 每个面包都系的骰size，好香牛油味，食唔哂可以打包番屋企. 另外蕃茄士多啤梨冻汤伴茅屋芝士雪糕，头两啖系酸甜开胃，不过个人觉得食到中段有啲腻.
Appetizer
Le Caviar Royal - 面层系椰菜花忌廉，中间有龙虾啫喱然后底层有鱼子酱. 一入口有椰菜花清香，伴随香浓嘅龙虾啫喱同埋咸香嘅鱼子酱，每一啖都系海洋嘅味道. 非常有层次而且配搭好平衡，唔会有格格不入嘅感觉.
La Langouste - Rock lobster salad. 呢款沙律用左澳洲rock lobster，比较有咬口. 底层嘅苹果同蔬菜粒好清新，面层嘅黑松露就冇乜特别作用. 整体黎讲都系好食嘅，但就唔系会令人印象深刻.
Soup
Le Crustaces 龙虾马赛鱼汤伴脆炸虾球 - 另一个海洋😂 非常浓郁嘅浓虾汤，入面有啲龙虾肉粒. Texture唔会好厚但味道好浓厚，个人觉得如果有番啲鲜甜就会有咁易觉得腻. 粒虾球就有啲不明所以.😂😂
Main
Les Spaghettis 龙虾意粉 - Chef另上一个比较creamy嘅龙虾汁. 意粉煮得al dente，如果就咁食就会有啲油，个人比较钟意加埋龙虾汁之后嘅配搭. 龙虾肉系完美，好鲜甜，外面熟而中间半生熟，好嫩滑. 越食越肚饿.🥹
Le Caille 鹅肝酿走地鹌鹑 - 一道令人惊艳嘅菜. 鹅肝香滑又唔会油腻，鹌鹑胸煮到粉红色劲嫩滑，同鹅肝嘅口感配合得好好，两者好似融为一体咁. 冇多余嘅调味，只有牛油蒜香同鸡油菌嘅香味. 食完都觉得唔够喉.🥹🥹🥹
薯蓉 - 每个肉类或海鲜类嘅main 都会有呢度嘅名物薯蓉做配菜 - 侍应介绍果阵话呢个薯蓉系用左好多牛油，所以太热或者太冻都会影响到佢嘅口感. 呢个薯蓉口感绵密，好似食紧gelato咁，有牛油香之余又会有啲薯仔嘅甜味，好好味.🥹🥹🥹
Dessert
Le Chocolat - 面层有朱古力，里面有朱古力crumbs，朱古力mousse，hazelnuts 同埋伯爵茶味嘅雪糕. 朱古力唔会好甜，清新嘅伯爵茶味雪糕中和左朱古力嘅腻. Hazelnut 好香脆而且冇一般nuts果种油味.
Le Soufflé- 完美嘅朱古力梳乎厘，首先个样已经劲靓高质，升得好靓. 外脆内湿润，口感轻盈而又唔会好似食空气咁.香浓嘅朱古力味. 底部仲有啲朱古力脆脆增加口感. 一个人ko一个冇难度.
最后嘅petite four系焦糖味Macaron 同埋朱古力. 特别想提下佢地随咖啡而上嘅自家制焦糖酱，加左brandy，香到癫左！
今次喺L'Atelier de Joel Robuchon嘅用餐体验非常好，服务细心但唔会有压迫感. 知道我地想share都会自动波想啲野食分做两份. 坐bar counter可以睇到厨房嘅运作，赏心悦目. 唯一要挑剔嘅系啲餐具可以renew下.
******************************
L'Atelier de Joël Robuchon (中环)
中环皇后大道中15号置地广场4楼401号舖
张贴
