天香樓

营业中

休息中

见依家系大闸蟹季节就嚟左天香楼试吓。一入门口就闻到一阵臭味🤢！估计系门口张红色地毡散发出黎，阵味好似喺街市啲鱼档/肉档个种臭味。好彩我哋张四人枱坐得够远先闻唔到。之后点餐，男侍应服务态度唔系非一般嘅冇礼貌，而系非常臭寸。嫌我地四个女仔叫得少，又俾说话我哋听。问题系饭店嘅餐牌有大概1/3嘅食物都无得order， 因为原来餐牌上嘅食物冇写价钱就无。侍应亦都冇预先同我哋讲… 😅 准备食耶个阵，朋友发现只羹有啲污糟嘢，想要个只新，个侍应一手攞左只羹，净系大大声唔耐烦咁讲「换俾佢！」只可以话系卫生同服务态度真系仲有好大嘅进步空间。食物水准不过不失，偏油。大闸蟹都算唔错。但系我要再三强调系卫生方面，我有啲担心😳碟清炒虾仁出现左一条类似体毛嘅物体，我哋同女侍应讲，佢用咗个比较hea 嘅理由—— 「煮个阵系个镬到甩出嚟…」估计应该无谂住要换俾我哋。当我哋要求换个阵，女侍应黑面，前提系我地一梗都未食过🙄。最后埋单食左$4xxx ，食到一肚气，饱左！