影片
更多
2019-08-28
37 浏览
同朋友用OpenRice订位，本有八五折，点知到埋单𠮶阵一个类似老板娘先至话佢同事唔记得讲套餐冇扩，仲话其实OpenRice订位𠮶阵啲细节有讲到套餐唔包，嘢饮唔包，最离谱系话海鲜都唔包！你间嘢食蒸海鲜，唔通特登入嚟蒸吓牛鸡猪，蒸吓菜当一餐？啲餐牌完全冇写套餐唔可以用优惠，最搞笑系佢仲要话因为𠮶日啲同事忙唔记得同我地讲！😂😂😂😂 𠮶晚成间野数埋我哋最多得四五台，啲侍应仲劲得闲咁同我地睇新闻，自己走过嚟搭嗲讲政治，我真系见唔到佢哋有几咁唔得闲！ 😅😅😅 几个套餐俾人拣，但系又唔讲唔用得优惠，摆明就系想啲人用正价食啦！同个类似事头婆倾完之后，佢俾咗张好似$15定$50嘅小食优惠券我哋，前提系要食满$3000先至可以用。难道觉得我哋仲会返嚟吗？🤣🤣🤣🤣讲返个套餐：黑松露蒸蛋普通蒸蛋，加好细pat嘅黑松露酱沙包蚬同海虾唔记得影，有三只沙包蚬同两只海虾，个蚬都OK，不过有一只系臭嘅，朋友𠮶三只就冇事。虾就肉质麻麻，不过未去到霉嘅。冬虫草大莲鲍鱼大连鲍之中呢个都系我同朋友食过前所未有咁难食， 有啲酸宿味，只鲍鱼质地又唔得，难食！蒜蓉蒸带子呢个系成餐里面最好𠮶样。虽然系有沙，但系因为有蒜蓉，所以个味黎
啲餐牌完全冇写套餐唔可以用优惠，最搞笑系佢仲要话因为𠮶日啲同事忙唔记得同我地讲！😂😂😂😂 𠮶晚成间野数埋我哋最多得四五台，啲侍应仲劲得闲咁同我地睇新闻，自己走过嚟搭嗲讲政治，我真系见唔到佢哋有几咁唔得闲！ 😅😅😅 几个套餐俾人拣，但系又唔讲唔用得优惠，摆明就系想啲人用正价食啦！
同个类似事头婆倾完之后，佢俾咗张好似$15定$50嘅小食优惠券我哋，前提系要食满$3000先至可以用。难道觉得我哋仲会返嚟吗？🤣🤣🤣🤣
讲返个套餐：
黑松露蒸蛋
普通蒸蛋，加好细pat嘅黑松露酱
沙包蚬同海虾唔记得影，有三只沙包蚬同两只海虾，个蚬都OK，不过有一只系臭嘅，朋友𠮶三只就冇事。虾就肉质麻麻，不过未去到霉嘅。
冬虫草大莲鲍鱼
大连鲍之中呢个都系我同朋友食过前所未有咁难食， 有啲酸宿味，只鲍鱼质地又唔得，难食！
蒜蓉蒸带子
呢个系成餐里面最好𠮶样。虽然系有沙，但系因为有蒜蓉，所以个味黎讲已经系成晚最好嘅海鲜！其实去到呢个位我哋都已经放弃左呢一餐！
花蟹
第一张图系第一只蟹，我朋友食咗一啖就已经即刻叫我试吓仲食唔食得。啲肉霉到系睇到一pat pat，忍唔住叫人换返只。第二只好好多，起码啲肉系一嚿嚿，细只同冇乜肉就一定㗎啦，都系果句，已经放弃左。
冬瓜盅
有桶蚝，猪腩片，四宝丸，娃娃菜俾你打边炉。桶蚝我同我朋友都系咬咗一啖就算，猪腩片唔好味，四宝丸我哋都只系食咗两粒，之后食下啲瓜同菜就算数。
埋单每位大约$500 ，唔值得嚟仲要系难食，我哋两个一啲都唔饱，所以之后转场去食甜品🙈🙈
张贴
