影片
更多
2024-07-09
109 浏览
本来没有写食评的习惯，想不到第一个食评就是分享十分差的体验。天气太热了，一枝公在荃湾做完嘢谂住是但揾间餐厅快快趣食就算，已经没有什么要求。经过佢门面就入左去～叫咗一碗坑腩云吞米多葱，碗米未到之前阿姐俾咗张单我。我睇左睇张单写住$68,咁我就问阿姐：点解贵咁多？阿姐：系咁贵㗎，我地得崩沙，无坑腩卖。（极冇礼貌）我：咁同我转返普通牛腩。碗嘢未到我都废事同佢嘈，为免自动申请被加料。但我心谂你冇坑腩卖咁你好正常都会同个客讲句，而唔系问都唔问落碗崩沙俾人。一来两者部位唔同，九唔搭八。二来做生意唔老实，叫碗最贵既俾你想博你唔出声。（因为我留意到其他人嘅单落完个阿姐会立即print张收据俾客，但我张收据就差不多等到碗嘢到先俾我。等到碗嘢到，我叫嘅米粉竟然嚟咗碗河粉，咁我就再叫个阿姐嚟问。态度依旧极差嘅阿姐：写咗米粉㗎（张单明明写错系河粉）。呢个时候我已经冇咩耐性，只系同佢讲唔使换啦照食，因为我肯定就算佢转俾我都有极大机会加料😂而碗嘢味道就好难食，尤其啲牛腩，有几旧明明好肥，但系食落口就非常韧，亦都冇正常粉面舖嘅牛腩肉味。云吞入边嘅虾肉食落系霉嘅，只有个汤底算系正常。结论：食物味道差，对待客嘅态度更差
天气太热了，一枝公在荃湾做完嘢谂住是但揾间餐厅快快趣食就算，已经没有什么要求。经过佢门面就入左去～
叫咗一碗坑腩云吞米多葱，碗米未到之前阿姐俾咗张单我。我睇左睇张单写住$68,
咁我就问阿姐：点解贵咁多？
阿姐：系咁贵㗎，我地得崩沙，无坑腩卖。（极冇礼貌）
我：咁同我转返普通牛腩。
碗嘢未到我都废事同佢嘈，为免自动申请被加料。但我心谂你冇坑腩卖咁你好正常都会同个客讲句，而唔系问都唔问落碗崩沙俾人。一来两者部位唔同，九唔搭八。二来做生意唔老实，叫碗最贵既俾你想博你唔出声。（因为我留意到其他人嘅单落完个阿姐会立即print张收据俾客，但我张收据就差不多等到碗嘢到先俾我。
等到碗嘢到，我叫嘅米粉竟然嚟咗碗河粉，咁我就再叫个阿姐嚟问。态度依旧极差嘅阿姐：写咗米粉㗎（张单明明写错系河粉）。呢个时候我已经冇咩耐性，只系同佢讲唔使换啦照食，因为我肯定就算佢转俾我都有极大机会加料😂
而碗嘢味道就好难食，尤其啲牛腩，有几旧明明好肥，但系食落口就非常韧，亦都冇正常粉面舖嘅牛腩肉味。云吞入边嘅虾肉食落系霉嘅，只有个汤底算系正常。
结论：食物味道差，对待客嘅态度更差。奉劝各位唔好试伏，绝对冇下次。
牛腩米
14 浏览
0 赞好
0 留言
张贴
