影片
更多
2025-01-01
272 浏览
今日约左6:30pm食瑞士餐厅，我地准时到达。一入座我哋就交咗个蛋糕俾侍应话俾佢听，阵间我哋会食。坐低之后等咗好耐都冇人过嚟落单，我哋同在场嘅几个侍应讲左我哋可以落单，但个个都话阵间先过嚟帮我哋，有啲直程无视我哋。最后等咗差唔多15到20分钟先有人帮我哋落单。饮品同埋第一道菜响7:05pm上枱，分别系焗蜗牛同埋洋葱汤。然后冇几耐佢哋就放咗个炉响我哋枱面点着咗火，但炉上面冇放芝士锅，由得佢响度干烧，劲危险。7:28pm先至放个芝士火锅上个炉度。 另外猪肋条同羊架都系7:46pm先上菜。 然后8:00pm突然有个男侍应突然拎住张单同我哋讲叫我哋俾钱，话我哋只可以食到八点。但预约短讯开始到我哋入座都冇人提过8:00要交枱。男侍应话：「我地依轮系食到8:00pm架」讲到好理所当然咁。我哋话我哋仲有个蛋糕未食，而且望到周边其实有好多空枱。个男侍应劲冇礼貌话：「你哋食得太慢啦」，然后逼我哋俾钱。我哋坚持要食埋个蛋糕先走，佢就话要我哋5分钟之内食晒，同埋要我哋比切饼费。我哋话冇问题，切饼费照计，但要我哋要食埋个蛋糕先至俾钱。然后个男侍应就好唔耐烦咁样走开咗。之后其他侍应都系慢吞吞咁样执枱同上蛋糕，我
坐低之后等咗好耐都冇人过嚟落单，我哋同在场嘅几个侍应讲左我哋可以落单，但个个都话阵间先过嚟帮我哋，有啲直程无视我哋。最后等咗差唔多15到20分钟先有人帮我哋落单。
饮品同埋第一道菜响7:05pm上枱，分别系焗蜗牛同埋洋葱汤。然后冇几耐佢哋就放咗个炉响我哋枱面点着咗火，但炉上面冇放芝士锅，由得佢响度干烧，劲危险。
7:28pm先至放个芝士火锅上个炉度。 另外猪肋条同羊架都系7:46pm先上菜。
然后8:00pm突然有个男侍应突然拎住张单同我哋讲叫我哋俾钱，话我哋只可以食到八点。但预约短讯开始到我哋入座都冇人提过8:00要交枱。男侍应话：「我地依轮系食到8:00pm架」讲到好理所当然咁。
我哋话我哋仲有个蛋糕未食，而且望到周边其实有好多空枱。个男侍应劲冇礼貌话：「你哋食得太慢啦」，然后逼我哋俾钱。我哋坚持要食埋个蛋糕先走，佢就话要我哋5分钟之内食晒，同埋要我哋比切饼费。我哋话冇问题，切饼费照计，但要我哋要食埋个蛋糕先至俾钱。然后个男侍应就好唔耐烦咁样走开咗。之后其他侍应都系慢吞吞咁样执枱同上蛋糕，我哋尽快食完个蛋糕，走嘅时候系8:20pm，其实咩mood都冇晒
我哋觉得被无理对待，首先由预约开始冇人提及8:00要交枱，但男侍应讲到系理所当然咁。 重要已经安排下一组客人响我地附近等，比压力我地，但明明我地身后就已经有张空枱（出面都冇其他人等紧！）
第二，其实上菜速度好慢，要我地8:00pm交枱，但最后15-30分钟先上齐3个main dish，我地得4个女仔，要准时食晒根本系不可能嘅任务，唔关我地食野得慢唔慢事。 我地全程耐心等待，但换来系男侍应恶劣的指责同对待。
第三，餐厅嘅服务态度有待改善，落单嘅时候基本上冇人想招呼我哋，之后其实除咗上菜同执枱之外冇任何服务可言。
第四，男侍应嘅要求好无理，要求客人5分钟内食完个4吋蛋糕,完全系强人所难。
第五，食物未煮熟，个猪肋条其中一旧系粉红色。
总结黎讲，冇下次。
0 浏览
0 赞好
0 留言
张贴
