影片
更多
2018-12-24
559 浏览
天气转凉，见到98蚊(最后收左每位118)任食，又见小店，同朋友黎试一下，点知食到一肚火，伏伏伏伏伏，一点一点讲下，要食自己谂。1. 环境咁街坊小店，都预左地方浅窄，可能今日都有小雨，地面就湿立立啦，放左纸皮在自助柜下，企上去系有水涌番出黎咁，店旁围住好多人食烟，不过都系果句，预左。2. 食物98蚊到底有咩食呢？鸡煲当然食鸡，2人食，大约半只鸡仔，冇得追加。好，加汤打边炉，肥牛？冇、海鲜？冇、响玲？冇，你谂得出打边炉要有的都系冇。咁有咩食呢？系得墨鱼丸，芝士丸，牛丸，浸到变黄的菜，同惨白色的鸡肉肠。。。等了又等，问完又问，终于有小量结冰牛肉。良心讲句，老板煮野唔差，鸡也算可以，但真系冇选择 ，小店卫生不提，自助食物亦唔新鲜。3. 服务 (赶客的姐姐们)比没有服务还要差的服务。入内前问左98蚊一位食鸡煲，姐姐放低煲放低张单，讲一声入座时间就走了。鸡熟未呢？唔知，唔紧要，自己试一下。食到咁上下，想加汤？自行加汤，也可，小店嘛。但正如上述，食物种类少，可能姐姐很忙很忙，一直没有refill ，食物柜的碟都七零八落，亦无清楚名牌，问姐姐，有冇肥牛猪颈肉？肥牛加钱，猪颈肉冇，咁有咩？叫我自己睇柜
1. 环境
咁街坊小店，都预左地方浅窄，可能今日都有小雨，地面就湿立立啦，放左纸皮在自助柜下，企上去系有水涌番出黎咁，店旁围住好多人食烟，不过都系果句，预左。
2. 食物
98蚊到底有咩食呢？鸡煲当然食鸡，2人食，大约半只鸡仔，冇得追加。好，加汤打边炉，肥牛？冇、海鲜？冇、响玲？冇，你谂得出打边炉要有的都系冇。
咁有咩食呢？系得墨鱼丸，芝士丸，牛丸，浸到变黄的菜，同惨白色的鸡肉肠。。。等了又等，问完又问，终于有小量结冰牛肉。
良心讲句，老板煮野唔差，鸡也算可以，但真系冇选择 ，小店卫生不提，自助食物亦唔新鲜。
3. 服务 (赶客的姐姐们)
比没有服务还要差的服务。入内前问左98蚊一位食鸡煲，姐姐放低煲放低张单，讲一声入座时间就走了。
鸡熟未呢？唔知，唔紧要，自己试一下。食到咁上下，想加汤？自行加汤，也可，小店嘛。
但正如上述，食物种类少，可能姐姐很忙很忙，一直没有refill ，食物柜的碟都七零八落，亦无清楚名牌，问姐姐，有冇肥牛猪颈肉？肥牛加钱，猪颈肉冇，咁有咩？叫我自己睇柜。做街坊生意竟然如此服务态度。
朋友说他看见厨房内有其他食物，见等很久都没有放出黎，决定去看一看。老板好好，见我在看，问我要咩。我问佢，有冇其他肉呢？老板答有，有猪和牛(但我地食左成个钟都未见过)，正当我满心欢喜终于有肉之际，姐姐竟然抢答话冇哂！？老板坚持话有，姐姐先话"呀，有呀，未得闲放，食住其他先啦"。下。。再等10分钟，总算有一小碟牛肉，猪？还是消失中，但我都只是拿几片，留难得的肉给其他食客。。
4. 结帐 (118 而唔系98？)
坐多一阵去埋单，姐姐话要118！？
我问“入黎前你同我地讲98？”
佢话"张单写左你入座时间，60分钟就98，依家过左3个字就118"
我话冇人同我地讲过会加钱，亦冇人提醒60分钟时间已到？
但佢只系话，张单写左时间要自己睇，我唔知你边枱唔会提你！
我再讲，但你牛肉迟迟没有，亦一直冇refill食物。佢只话，可能佢忙冇添加，但时间过左就系118。
118，算了。但如此收费手法，如此食物质素，如此服务态度。
60分钟自行计时，比一般餐厅更赶，还要等水滚，还要等食物熟呢？超时自动加钱，提一提，超过1.5小时再加钱。
如要和朋友吹水饮酒( 另外收费 )。。奉劝小心看钟。
食物柜和空碟子
107 浏览
0 赞好
0 留言
张贴
