影片
更多
2021-05-31
209 浏览
早几日去开黄埔𠮶边，顺便探旧同事，于是就买少少嘢上去，废事两手空空啦。黄埔有「皇玥」饼店，咁就啱哂啦，唔使烦买乜😛。一入到去我经已锁定目标🔒，皆因之前食过佢嘅薄脆，觉得超正！我有晚喺公司加班，自己一条友啪咗三包😋，劲夸张，因为真系食到上瘾呢。薄脆有四款口味，两咸两甜，包括柠檬、蕃茄、芝士同伯爵茶。对我而言，每款都各有特色，全部都钟意❤️，打和！价钱方面，几款口味划一价，不过多买多平。每包独立包装大概有八块薄脆(挂住食无特别数…)，🎁唔同礼盒就分别有二包、四包或者八包。薄脆其实即系饼干🍪，但主要分别在于个口感。薄脆有如薯片咁脆，有过之而无不及。每一块都好轻盈，目测厚度不足2毫米，呢个绝对系爽脆嘅关键😋。同时，非油炸亦感觉健康啲。不过留意返，开咗就要即刻食哂，唔好就咁放喺度，或者等迟啲先再食，否则就会变淋、变到唔好食。伯爵茶薄脆精选礼盒($68)，一盒两包，佢无同另一只味做孖装登场。伯爵茶系几款当中味道最浓郁的，茶味好突出🌱。我感觉佢系落咗茶叶碎去制作，但你就唔会食到茶渣。整体系几出色，不过偏甜少少，我自己就觉得无问题。蕃茄·芝士薄脆精选礼盒($118)，一盒四包，两款口味各二。包装上有用贴
早几日去开黄埔𠮶边，顺便探旧同事，于是就买少少嘢上去，废事两手空空啦。黄埔有「皇玥」饼店，咁就啱哂啦，唔使烦买乜😛。
一入到去我经已锁定目标🔒，皆因之前食过佢嘅薄脆，觉得超正！我有晚喺公司加班，自己一条友啪咗三包😋，劲夸张，因为真系食到上瘾呢。
薄脆有四款口味，两咸两甜，包括柠檬、蕃茄、芝士同伯爵茶。对我而言，每款都各有特色，全部都钟意❤️，打和！
价钱方面，几款口味划一价，不过多买多平。每包独立包装大概有八块薄脆(挂住食无特别数…)，🎁唔同礼盒就分别有二包、四包或者八包。
薄脆其实即系饼干🍪，但主要分别在于个口感。薄脆有如薯片咁脆，有过之而无不及。每一块都好轻盈，目测厚度不足2毫米，呢个绝对系爽脆嘅关键😋。同时，非油炸亦感觉健康啲。不过留意返，开咗就要即刻食哂，唔好就咁放喺度，或者等迟啲先再食，否则就会变淋、变到唔好食。
伯爵茶薄脆精选礼盒
$68
7 浏览
0 赞好
0 留言
伯爵茶薄脆精选礼盒($68)，一盒两包，佢无同另一只味做孖装登场。伯爵茶系几款当中味道最浓郁的，茶味好突出🌱。我感觉佢系落咗茶叶碎去制作，但你就唔会食到茶渣。整体系几出色，不过偏甜少少，我自己就觉得无问题。
蕃茄·芝士薄脆精选礼盒
$138
7 浏览
0 赞好
0 留言
蕃茄·芝士薄脆精选礼盒($118)，一盒四包，两款口味各二。包装上有用贴纸分辨口味，所以唔惊捞乱🙏🏻。我称呢两款为咸味，不过实际上佢哋一啲都唔重口味。🍅蕃茄味唔酸，食落带点干蕃茄香。🧀芝士味则唔系市面上𠮶类芝士饼，而系有啲芝士蛋糕嘅感觉。两者都系行清新路线，攞到食材嘅精髓，但并无过腻，仲满满牛油香，好食。
总括嚟讲，皇玥嘅出品无得弹👍，价钱虽则唔平，但无论味道定包装都令人满意，送礼自用皆宜！喺店内一张单过买满$200，即减$50🈹，其实几抵，想买嘅就不妨凑够数，做过精明消费者。我另外仲买咗月饼券，因为早买有早鸟优惠哦😆。
张贴
