L'Eclipse (已結業)

估唔到lunch buffet都有生蚝, 仲有龙虾仔, 青口同埋冻虾!! 所有冻海鲜都好鲜甜仲有浓烈海水味, 如果唔受得既可能会觉得好咸.沙律一般, 自制凯撒沙律够新鲜爽甜, 但点解无粟米粒既?! (可能正宗凯撒沙律根本系无粟米既, 只系我一厢情愿既谂法jei!) 又估唔到头盘有鸭肝酱, 用黎"查"面包食, 一流!!! 我忍唔住食左四件, 哈哈~ 仲有美味既parma ham不过唔包哈蜜瓜 (要自己去生果部自己"毕"), 好处系岩哂我呢啲对哈蜜瓜有敏感但又钟意食parma ham既人啰, 哈哈~至于热盘都有好多选择, 由焗蔬菜至鸡鸭鱼猪牛羊都有, 我比较欣赏羊肉同埋即蒸鲜鱼, 烧牛肉都ok, 但有部份热盘就过咸例如: 焗三文鱼件同埋炸龙虾饼, 希望酒店可以留意下.而甜品每款都好精致, 细细件最岩一啖一件, 食多几款都唔会好漏, 雪糕系H记既仲有waffle cone添, 好好味呀!!讲完食物就梗系讲埋service啦, 我俾8个赞! 我见到每位员工都笑容满面, 收碟好快手, good 呀! 差啲唔记得讲, 如果英文名之中有"L'eclipse"其中一个英文字母都可以有75折