影片
更多
2019-07-03
54 浏览
见好多人赞呢间新开嘅点心舖，是日就同屋企人黎试下，一家三口三点几黎到，呢个钟数唔多人，黎到就有位。茶位$4一位，开左壶香片，茶包茶都几香。笼仔马碲章鱼肉饼饭（$37）先来个蒸饭，大大笼热辣辣，肉饼软滑，多马碲又多章鱼，加埋甜豉油好好送饭。饭粒粒分明，香软吸了荷叶香，正。铁板叉烧包（$25）铁板上，有洋葱颤底好香啊。叉烧包煎得香口，但口感仲系软绵绵㗎，入面嘅叉烧馅甜甜地几正，个汁好有旧阵时嘅味，加上叉烧唔过肥，好啱我口味。翡翠墨鱼滑烧卖（$30）试下新派点心先，青色烧卖够特别，中间系墨鱼滑，有包住虾同冬菇等材料，鲜味弹牙，加少少辣椒油无得顶呀！别有洞天脆皮肠（$35）另一款新野，真系好脆呀，肠粉皮下面包住双层脆皮，一层系绿色嘅口感有啲似芋角嘅皮，另一层似系响铃嘅皮，中间系原只虾肉，又爽又脆好好味。怀旧糯米鸡（$26）意外地大只，真系糯米鸡唔系珍珠鸡，哈哈。糯米入面包住冬菇，叉烧，鸡件同鹌鹑蛋，有啲红色嘅叉烧酱汁，软绵绵嘅口感，味道都唔错㖞，一只劲饱肚。姜汁千层糕（$17）呢个一定要食！太正了！烟烟韧韧劲姜味，微甜，比起一般酒楼好味一万倍！利宾纳芦荟水晶果冻（$18）最后仲有啫喱，哈哈，小
茶位$4一位，开左壶香片，茶包茶都几香。
笼仔马碲章鱼肉饼饭（$37）先来个蒸饭，大大笼热辣辣，肉饼软滑，多马碲又多章鱼，加埋甜豉油好好送饭。
饭粒粒分明，香软吸了荷叶香，正。
铁板叉烧包（$25）铁板上，有洋葱颤底好香啊。
叉烧包煎得香口，但口感仲系软绵绵㗎，入面嘅叉烧馅甜甜地几正，个汁好有旧阵时嘅味，加上叉烧唔过肥，好啱我口味。
翡翠墨鱼滑烧卖（$30）试下新派点心先，青色烧卖够特别，中间系墨鱼滑，有包住虾同冬菇等材料，鲜味弹牙，加少少辣椒油无得顶呀！
别有洞天脆皮肠（$35）另一款新野，真系好脆呀，肠粉皮下面包住双层脆皮，一层系绿色嘅口感有啲似芋角嘅皮，另一层似系响铃嘅皮，中间系原只虾肉，又爽又脆好好味。
怀旧糯米鸡（$26）意外地大只，真系糯米鸡唔系珍珠鸡，哈哈。
糯米入面包住冬菇，叉烧，鸡件同鹌鹑蛋，有啲红色嘅叉烧酱汁，软绵绵嘅口感，味道都唔错㖞，一只劲饱肚。
姜汁千层糕（$17）呢个一定要食！太正了！烟烟韧韧劲姜味，微甜，比起一般酒楼好味一万倍！
利宾纳芦荟水晶果冻（$18）最后仲有啫喱，哈哈，小朋友钟意吖嘛，卖相都几靓，利宾纳味啫喱，入面有芦荟粒，好甜，啱晒小朋友。
三个人食左二百蚊，点心舖不用加一，几抵食吖。
张贴
