金兜記海鮮菜館

营业中

休息中

以往几年都系系屋企食大闸蟹，今年亦都在屋企咗两次，但听朋友讲呢度嘅任食大闸蟹质素唔错，所以趁大闸蟹季未过，约埋几个朋友嚟食。佢哋标榜系日本大闸蟹，我都系第一次食日本蟹，第一盘在坐低10分钟左右便上，预每人2只，蟹大约3-4两，一打开蟹盖，见到蟹膏好多，喜出望外，蟹膏好黐口，亦好香，配合佢哋调配嘅蟹醋（加佐唔少糖，味道偏甜），层次丰富，亦减少肥腻感。在食蟹同时，咸蛋虾球亦同时上咗，虾球炸得唔错，但虾唔算好弹牙，味道合格。杏汁炖花胶汤好热，杏汁味浓，但汤比较稀，煲汤时间唔够（唔够老火）。当我哋差不多食完第一轮大闸蟹，再叫佢哋上蟹，大约5-8分钟又上到，今次有2只质素差少少，其他仍然好多膏。红烧乳鸽质素还可以，外皮脆口会更好。糯米饭亦是刚刚合格，唔算吸引。姜茶辣度好够，但太甜了，减少三分一甜度会更好。基本上每次我哋食完蟹再点时，不超过8分钟便上另一轮，数量可以自己调整，开头食得快，每次上2只，之后改为1只，服务好有水准，亦唔会特登上慢啲等你食少啲，令我哋基本上冇停过手食蟹，经最后点算，我同老公每人都食了10只，一个朋友11只而另一个只食到7只，4人总共38只，总算返到本，抵食。