九份飽 (蜆殼街) (已搬遷) 新店位置

台湾系疫情期间我最挂住嘅地方之一，所以要食番啲台式小食止止瘾～九份饱嘅鲁肉饭几有台湾嘅味道，卤汁好香捞饭一流，鲁肉半肥瘦，连平时唔食肥肉嘅妹妹都接受到，细细碗都几饱肚。红烧牛肉面嘅汤底唔算好浓但又会令你一口接一口想饮晒佢，牛肉系牛𦟌嚟几有咬口，另外仲配咗芫茜同酸菜。酥炸鱿鱼脆卜卜好香口又弹牙；九份芋圆甜甜地好丰富，除咗芋圆仲有仙草、豆花、珍珠同红豆；反而黑糖珍珠奶茶就有啲小失望，唔系好饮到黑糖味，比较似普通珍奶。